ನಾ ಹುಡುಗ ಸಾಗರವಲ್ಲ!

ಸಖೀ,

ನೂರಾರು ನದಿಗಳ ಸಂಗಮ ಅನ್ನುವರಲ್ಲಾ

ಅದಕೇ ಅಂದೆ ನಾನು ಹುಡುಗ ಸಾಗರವಲ್ಲ

 

ನದಿಯಂತೆ ಹರಿವ ನನಗೆ ನಿನ್ನದಷ್ಟೇ ಗಮ್ಯ

ಅನುಮಾನಿಸದು ನಿನ್ನ ಮನ, ಬಾಳು ರಮ್ಯ;

 

ನಿನ್ನನ್ನು ಯಾರೆಷ್ಟೇ ಇಷ್ಟಪಟ್ಟರೂ ಚಿಂತೆ ಇಲ್ಲ

ನಾನು ನಿನ್ನಲ್ಲಿ ಒಂದಾದರೆ ಅದಷ್ಟೇ ಸಾಕಲ್ಲಾ

 

ನನ್ನ ಪ್ರೀತಿ ಭಗವಂತನ ಮೇಲಿನ ಭಕ್ತಿಯಂತೆ

ಭಕ್ತರು ನೂರಾರು ನನಗೋರ್ವನೇ ದೇವರಂತೆ

 

ನೀನು ನನಗಾಗಿ ಕಾದೆಯೋ ಇಲ್ಲವೋ ಬೇಕಿಲ್ಲ

ನಾನು ನಿನಗಾಗಿ ಬರುವೆ ಸುತ್ತಿ ಈ ಜಗವೆಲ್ಲಾ!

 

#ಆಸುಮನ