ಯಡಿಯೂರಪ್ಪನವರ ಅಧಿಕಾರದ ಅಂತ…?!

17 ಫೆಬ್ರ 10

 

ಯಡಿಯೂರಪ್ಪನವರ ಅಧಿಕಾರದ ಅಂತ

ಕಾಣ ಬಯಸಿರುವಂತಿದೆ ನಮ್ಮ ಅನಂತ

ಇಲ್ಲವಾದರೆ ವಿಶ್ವೇಶ್ವರ ಭಟ್ಟರೇ ಇಂದೀಗ

ನೈಸ್ ಕತೆ ಯಾಕೆ ಬರೆಯಬೇಕಿತ್ತು ಅಂತ

 

ಅನಂತರು ಒಪ್ಪಿಗೆ ನೀಡದೇ ಭಟ್ಟರು ಕತೆ

ಬರೆದರೆಂದರೆ ನಂಬಲೇ ಆಗದು ನನ್ನಿಂದ

ಅನಂತರ ಜೊತೆಗೆ ದುಡಿದ ಆ ದಿನಗಳ

ಮರೆಯಲಾಗುವುದೇ ಹೇಳಿ ಈ ಭಟ್ಟರಿಂದ

 

ಹೊರಗಿನವರು ಎಷ್ಟು ಕಿರುಚಾಡಿದರೂ

ಯಡ್ಡಿ ಉಳಿದಿರಬಹುದು ಅಬಾಧಿತರಾಗಿ

ಕುರ್ಚಿಯೇ ಅಡಿಯಿಂದ ಸುಡತೊಡಗಿದರೆ

ಕೂತಿರಬಹುದೇ ಇನ್ನು ನಿರಾತಂಕವಾಗಿ

 

ಅಂತೂ ಇಂತೂ ಈ ನಿರ್ವೀರ್ಯ ಸರಕಾರ

ಪತನಗೊಳ್ಳುವ ಎಲ್ಲ ಸೂಚನೆಯೂ ಬಂದಿದೆ

ಆದರೆ ಆಸುಮನದೊಳಗೆ ಮುಂದೆ ಅದಿನ್ಯಾವ

ಸರ್ಕಾರ ಬರಬಹುದೆಂಬ ಭಯವೂ ಕಾಡಿದೆ!!!

***************************

Advertisements

ಇತ್ತೆದ ಅಪ್ಪೆಲಾ…ನಮ್ಮ ಸರ್ಕಾರಲಾ!!

17 ಫೆಬ್ರ 10

 

ದುಂಬೊಂಜಿ ಕಾಲ ಇತ್‍ಂಡ್

ಬಾಲೆಗ್ ಬಡಾವ್ ಆಂಡ 

ಅಪ್ಪೆಗ್ ತೆರಿಯೊಂದಿತ್‍ಂಡ್

ಬುಲಿಪಂದೆನೇ ಬಾಲೆದ

ಬಂಜಿಗ್ ಪೊರ್ತ್ ಪೊರ್ತ್‍‍ಗ್

ಗಂಜಿ ತಿಕ್ಕೊಂದಿತ್‍ಂಡ್

 

ನಟ್ಟಿ ಕೊಯ್ಲ್‍ದ ಕಂಡೊಡ್‍ದ್

ಪೊರ್ತ್ ತಪ್ಪಂದೆ ಅಪ್ಪೆ ಇಲ್ಲಡೆ

ಪೋದು ಬರೊಂದ್ ಇತ್ತಾಲ್

ಪರ ಸೀರೆದ ತೊಟ್ಟಿಲ್‍ಡ್ ಸುಖ

ನಿದ್ರೆಡ್ ತೆಲಿಪುನ ತನ್ನ ಬಾಲೆನ್

ಲಕ್ಕಾದ್ ಪೇರ್ ಕೊರೊಂದಿತ್ತಾಲ್ 

 

ಇನಿತ ಕಾಲ ಅಂಚ ಅತ್ತ್

ಬಾಲೆ ಬುಲ್‍ತ್‍ಂಡಲಾ

ಬಾಲೆದಪ್ಪೆಗ್ ಓಲ್ ಕೇಣುಂಡ್

ಕೆಲಸದಲೆನ ಕೈಟ್ ತಿಕ್‍ದ್ 

ಬೂರ‍್ದಿನ ಬಾಲೆ ಬಡಾವ್

ಆಂಡಲಾ ಬುಲಿಪರೆ ಪೋಡ್ಯುಂಡ್ 

 

ಕಾಂಡೆ ಇಲ್ಲ್ ಬುಡಿಯೊಲ್‍ಡ

ಅಪ್ಪೆ ಕೆಲಸೊಡ್‍ದ್ ಬರ್ಪಿನಿ

ಪೊರ್ತು ಕಂತಿ ಬೊಕ್ಕನೇ ಪಿರ

ನಿದ್ರೇಡ್ ಮಿನಿ ಇತ್ತ್‍ಂಡ

ಬಾಲೆ ಅಪ್ಪೆನ ಮೋಣೆದ ಗುರ್ತನೆ

ಮದತ್‍ದ್ ಬುಡ್ಪುಂಡು ಒರೊರ

 

ಇತ್ತೆದ ಸರಕಾರೊಲ್ ಮಲ್ಪುನ

ಕೆಲಸಲಾ ಒಂಜಿ ನಮುನಿಡ್

ಅಂಚನೇ ಆತ್‍ಂಡ್  ತೂಲೆ 

ಜನೊಕುಲು ಬುಲಿಪಂದೇ  ಇತ್ತೆ 

ಬಡ್ಡ್ ಸರಕಾರಲಾ ಕೆಲಸ ಮಲ್ಪುಜಿ

ನಿಕುಲು ದಾದನೇ ಮಲ್‍ಪುಲೇ

 

ಜನೊಕುಲು  ಕಷ್ಟ ಉಂಡಂದ್

ಪಣ್‍ಂಡ ಸರ್ಕಾರೊಡ್‍ದ್ ದುಂಬು

ದಲ್ಲಾಳಿನಕ್ಲೆನ ಗುಂಪು ಬರ‍್ಪ

ಆಸೆ  ಪುಟ್ಟಾದ್ ತೆಲಿಕೆ ತೆಲಿಪಾದ್

ಬೆಗರ್  ಜಪ್‍ಡಾದ್  ನಂಕ್ ತಿಕಿ

ಕಾಸ್‍ಡ್ ವಸೂಲಿ ಮಲ್ತ್ ಬುಡ್‍ಪ!!!

************************ 


ಆಸುಮನಕ್ಕೆ ವರುಷ ತುಂಬುತಿರುವ ಹರುಷ!!!

11 ಫೆಬ್ರ 10

ಕಳೆದ ವರುಷ ಪ್ರೇಮಿಗಳ ದಿನಕ್ಕೆ ಒಂದು ದಿನ ಮೊದಲು

ಜನರು “ನಾಳೆ ಏನಾಗಬಹುದು” ಎಂದು ಕಾಯುತ್ತಲಿರಲು

 

ಪ್ರೀತಿಸುವವರನ್ನು ಬೆಂಬಲಿಸಲು ಆಸುಮನ ಸ್ಪಂದಿಸಿತ್ತು

’ಪಿಂಕ್’ ಚಡ್ಡೀ ಹಗರಣದವರಿಗಂದು  ಸವಾಲನ್ನೇ ಹಾಕಿತ್ತು

 

ಮತ್ತೆ ಎಂದಿಗೂ ಹಿಂದಿರುಗಿ ನೋಡದೇ ಮುನ್ನಡೆದು ಸರಾಗ

ಎರಡನೆಯ ವರುಷಕ್ಕೆ ಕಾಲಿಡುವ ಹುಮ್ಮಸ್ಸಿನಲ್ಲಿದೆ ಇದೀಗ

 

ಹದಿಮೂರರ ಶುಕ್ರವಾರ ಅವಲಕ್ಷಣ ಎಂಬುದಕೇ ಬದಲಾಗಿ

ಸಾಗುತ್ತಿದೆ ಫೆಭ್ರವರಿ ೧೩ರ ಶುಕ್ರವಾರದಂದೇ ಆರಂಭವಾಗಿ

 

ಈ ಮನ ಸ್ಪಂದಿಸಿದ ದಿನಗಳಂದೆಲ್ಲಾ ಮಿಡಿದಿತ್ತು ಆಸುಮನ

ಪಿಸು ಮಾತುಗಳ ಜೊತೆ ಜೊತೆಗೆ ಸ್ಪಂದಿಸಿತ್ತು ಓದುಗ ಮನ

 

ಬೆನ್ನು ತಟ್ಟಿ ಹುರಿದುಂಬಿಸುವ ಓದುಗರು ಇರುವಂತೆಯೇ ಇಲ್ಲಿ

ಸರಿ ಕಾಣದ್ದನ್ನು ಸರಿ ಅಲ್ಲವೆಂದು ಟೀಕಿಸುವವರು ಜೊತೆಯಲ್ಲಿ

 

ಬರೆದೆಲ್ಲಾ ಪುಟಗಳು ಇದನ್ನೂ ಸೇರಿಸಿ ಇನ್ನೂರು ಆಗುತ್ತಿರುವಾಗ

ಭೇಟಿಗಳ ಸಂಖ್ಯೆ ಹದಿನೈದು ಸಾವಿರದ ಗಡಿ ತಲುಪಿದೆ ಇಲ್ಲೀಗ

 

ವರುಷ ಪೂರ್ತಿಯಾಗುತಿರುವಾಗ ನಾನು ಎಳೆಯ ಕಂದನಂತೆ

ಬೇಡುವೆನು ಪ್ರತ್ಯಕ್ಷ ದೇವರಾದ ಅಮ್ಮ ನನಗೂ ಹರಸುವಂತೆ

 

ಓದುಗರ ನಿರೀಕ್ಷೆಯ ಮೀರಿ ಬೆಳೆವ ಪ್ರಯತ್ನದಿ ಸದಾ ಇರುವೆ

ಓದುಗರಿಗೆ ಹೃತ್ಪೂರ್ವಕ ಧನ್ಯವಾದಗಳನ್ನು ಅರ್ಪಿಸುತಿರುವೆ

 

ಆಸುಮನಕ್ಕೆ ಇದೀಗ ನಿಜಕ್ಕೂ ವರುಷ ತುಂಬುತಿರುವ ಹರುಷ

ಇದು ಹೀಗೆಯೇ ಮಿಡಿಯುತಿರಲೆಂದು ಹರಸಿ ವರ್ಷಾನುವರುಷ!

*****************************************


ಸ್ವಂತಿಕೆ ಇಲ್ಲದವನು ನೆಮ್ಮದಿಯನೇ ಪಡೆಯಲಾರ!!!

09 ಫೆಬ್ರ 10

 

 

ಕತ್ತಿ ಹಿಡಿದವರ ಮಾತಿಗೆ ಬನ್ನಿ ಎಂದು ಕರೆದರೆ ಇನ್ನೇನಾಗಬಹುದು 

ಕತ್ತಿಯ ಭಯದಿಂದಲೇ ತಮ್ಮನ್ನು ಕರೆಯುತಿಹರು ಎಂದೆನ್ನಬಹುದು 

 

ಅಲ್ಲಿ ಕತ್ತಿಯ ಮಸೆಯಲು ಅವರಿಗೆ ಸಹಕಾರ ನೀಡುತ್ತಾ ಬಂದವರು 

ಇಲ್ಲಿ ನಮ್ಮೊಂದಿಗೆ ಬಲು ಸ್ನೇಹದ ಮಾತನ್ನು ಆಡುತ್ತಾ ಇರುವವರು 

 

ಅಮೇರಿಕಾ ಹೇಳಿದಂತೆ ಆಡುತ್ತಾ ಬಂದಿಹುದು ಪಾಕಿಸ್ತಾನ ಈ ತನಕ 

ಈಗ ಅವರಾಡಿಸಿದಂತೆಯೇ ಆಡುತಿದೆ ನಮ್ಮ ಸರ್ಕಾರ ಥಕ ಥಕ ಥಕ 

 

ಅಮೇರಿಕಾ ಹೇಳಿದಂತೆ ಕುಣಿದು ಈಗ ಕೊರಗುತ್ತಿದ್ದಾನೆ ಟೋನಿ ಬ್ಲೇರ 

ಸ್ವಂತಿಕೆ ಇಲ್ಲದವನು ಏನು ಮಾಡಿದರೂ ನೆಮ್ಮದಿಯನೇ ಪಡೆಯಲಾರ 

 

ನಮ್ಮವರಿಗೆ ಅದ್ಯಾವ ದಿನ ಸದ್ಬುದ್ಧಿ  ಬರುವುದೋ ಆ ಭಗವಂತನೇ ಬಲ್ಲ 

ಆದರದರೊಳಗೆ  ಇಟಲಿಯ ಮುದುಕಿ ದೋಚಬಹುದು ಬೇಕಾದುದನ್ನೆಲ್ಲಾ !!!

***************************************** 


ಜೀವಂತ ಇರುವುದಕ್ಕೆ ಕುರುಹಾಗಿ ಏನಾದರೂ ಮಾಡುತ್ತಿದ್ದರೆ ಸರಿ!!!

02 ಫೆಬ್ರ 10

  

ಅದೇಕೋ ನಾನೀಗ ಗಂಟಲು ನೋವಿನಿಂದ ಮಾತು ಬಾರದವನಂತೆ

ಭಾವನೆಗಳು ಸಾವಿರ ಇದ್ದರೂ ವ್ಯಕ್ತಪಡಿಸಲಾರದ ಅಸಹಾಯಕನಂತೆ

 

ನೂರಾರು ವಿಷಯಗಳು ಜೊತೆ ಜೊತೆಗೆ ಈ ತಲೆಯಲ್ಲಿ ಸುತ್ತುತ್ತಿರುತ್ತವೆ

ಬರೆಯಲೆಂದು ಕೂತಾಗ ನನ್ನ ಆ ಲೇಖನಿಗೆ ಸರಬರಾಜೇ ಆಗದಂತಿವೆ

 

ಗಣಕಯಂತ್ರದ ಮುಂದೆ ಕೂತು ಲೋಹಿತಂತ್ರಾಂಶದ ಸಹಾಯ ಕೇಳಲು

ಒತ್ತಿದ ಕೀಲಿಗಳೇ ಮತ್ತೆ ಮತ್ತೆ ಒತ್ತಲ್ಪಟ್ಟು ಬೇಸರ ತಂದಿದೆ ಮತ್ತೆ ಒತ್ತಲು

 

ಕೆಲವು ದಿನಗಳೇ ಹೀಗೆ ನಮ್ಮನ್ನು ನಮ್ಮಿಂದಲೇ ಮಾಡಿ ಬಿಡುತ್ತವೆ ದೂರ

ನಾವು ನಾವಾಗಿರದೇ ಇರಲು ನಮ್ಮವರು ಯಾರೂ ಬಾರರು ನಮ್ಮ ಹತ್ತಿರ

 

ಜನರಿಗೆ ವ್ಯಕ್ತಿ ಮುಖ್ಯ ಅಲ್ಲ ಅನ್ನುವ ಮಾತಿನ ಅರಿವಾಗುವುದೇ ನಮಗಾಗ

ವ್ಯಕ್ತಿಗಿಂತಲೂ ಆತನ ಸಾಧನೆಗಳಷ್ಟೇ ನೆನಪಾಗುವುದು ಎಲ್ಲರಿಗೂ ಆಗಾಗ

 

ನೇಪಥ್ಯಕ್ಕೆ ಸರಿದ ಮೇಲೆ ಯಾರೂ ಬಂದು ವಿಚಾರಿಸುವುದಿಲ್ಲ ಕುಶಲೋಪರಿ

ಜೀವಂತ ಇರುವುದಕ್ಕೆ ಕುರುಹಾಗಿ ನಾವು ಏನಾದರೂ ಮಾಡುತ್ತಿದ್ದರಷ್ಟೇ ಸರಿ!!!