ರಾಹುಲನಿಗೆ ಪಾಕಿಸ್ಥಾನ ಸಮಸ್ಯೆಯೇ ಅಲ್ಲವೇ…?!

14 ಆಕ್ಟೋ 09

ಅಮೇರಿಕಾದವರು ಪಾಕಿಸ್ತಾನದ ಆಟಗಳನ್ನು

ಕ್ಷುಲ್ಲಕ ಎಂದು ಕಡೆಗಣಿಸಿ ಮರೆತು ಬಿಟ್ಟಾಗಿದೆ

ರಾಹುಲನೂ ಈಗೀಗ ಆ ಅಮೇರಿಕಾದವರದ್ದೇ

ಭಾಷೆಯಲ್ಲಿಯೇ ಮಾತನಾಡುತ್ತಿರುವ ಹಾಗಿದೆ

 

ರಾಹುಲ ಗಾಂಧಿ ಅನ್ನುತ್ತಾ ಇದ್ದಾನೆ ಪಾಕಿಸ್ತಾನ

ಸಣ್ಣ ದೇಶ, ತಲೆ ಕೆಡಿಸಕೊಳ್ಳಲೇ ಬೇಡಿ  ಎಂದು

ನಾಳೆ ಅನ್ನಬಹುದೇನೋ ಚೀನಾ ದೊಡ್ಡ ದೇಶ

ಅದರ ಬಗ್ಗೆ ತಲೆ ಕೆಡಿಸಿಕೊಳ್ಳಲು ಆಗದು ಎಂದು

 

ಮಾಯಾವತಿ-ಅಮರ್-ಮುಲಾಯಮರ ಬಗೆಗೆ

ಹಗಲಿರುಳೂ ತಲೆ ಕೆಡಿಸಿಕೊಂಡೇ ಇರುತ್ತಾನೆ 

ಪಾಕಿಸ್ತಾನದ ವಿಷಯ ಬಂದಾಗ ಬಿಡಿ ಅದೆಲ್ಲಾ

ಚಿಕ್ಕ ವಿಷಯವೆಂದು ಕಡೆಗಣಿಸುತ್ತಾ ಇರುತ್ತಾನೆ

 

ಭಯೋತ್ಪಾದನೆಯ ಸಮಸ್ಯೆಗಳೆಲ್ಲಾ ನಿಜಕ್ಕೂ

ಈತನ ಪಾಲಿಗೆ ಆಗಿಲ್ಲ ಗಂಭೀರವಾದ ವಿಷಯ

ಅವನ ಅಜ್ಜಿಯಂತೆ ಬಡವರನ್ನು ನಿರ್ಮೂಲನ

ಮಾಡುವುದೇ ಈತನಿಗೂ ಪ್ರಿಯವಾದ ವಿಷಯ

 

ಆ ಅಜ್ಜಿ ಬಡವರ ಹೆಸರಲ್ಲಿ ಬೇಕಾಬಿಟ್ಟಿ ಅಧಿಕಾರ

ಚಲಾಯಿಸಿ ಅಳಿದು ಇಪ್ಪತ್ತೈದು ವರುಷಗಳಾಯ್ತು

ಈ ಬಡತನದ ರೇಖೆಯ ಕೆಳಗಿರುವ ಜನರ ಸಂಖ್ಯೆ

ವರುಷ ವರುಷಕ್ಕೆ ಹೆಚ್ಚಾಗುತ್ತಾ ಬಂದಿದ್ದೂ ಆಯ್ತು

 

ರಾಜಕೀಯಕ್ಕೆ ಯಾರು ಬಂದು ಹೋದರೂ ಒಂದೆ

ಆ ರಾಜೀವ ಇಂದು ಸೋನಿಯಾ ಮುಂದೆ ರಾಹುಲ

ಜನರ ಮನ ಮೆಚ್ಚಿಸುತ್ತಾ ತಮ್ಮ ಆಸ್ತಿ ಹೆಚ್ಚಿಸುತ್ತಾ

ಬಣ್ಣ ಬಣ್ಣದ ಮಾತನ್ನಾಡುತ್ತಾ ಕಳೆಯುತ್ತಾರೆ ಕಾಲ