ಆಸುಮನ: ಮೂರನೇ ವರುಷಕ್ಕೆ ಪಾದಾರ್ಪಣೆ!

13 ಫೆಬ್ರ 11

 

ಆಸುಮನ ಇಂದು ಎರಡು ವರುಷಗಳನ್ನು ಪೂರೈಸಿ ಮೂರನೇ ವರುಷಕ್ಕೆ ಪಾದಾರ್ಪಣೆ ಮಾಡುತ್ತಿದೆ.

ನನ್ನ ಕಿವಿ ಕಣ್ಣುಗಳಿಗೆ ಆಹಾರವಾದ ವಿಷಯಗಳಿಗೆ ನನ್ನ ಮನ ಸ್ಪಂದಿಸಿದಾಗಲೆಲ್ಲಾ, ಆ ಸ್ಪಂದನಗಳು ಆಸುಮನದಲ್ಲಿ ಮಾತುಗಳಾಗಿ ಅಕ್ಷರಗಳ ರೂಪತಾಳುತ್ತಾ ಬಂದಿವೆ.

ಮೊದಲನೇ ವರುಷ ಆಸುಮನದ ಮಾತುಗಳ ೨೦೦ ಪುಟಗಳು ಪ್ರಕಟಗೊಂಡಿದ್ದರೆ ಎರಡನೇ ವರುಷ ೧೮೯ ಪುಟಗಳು ಪ್ರಕಟಗೊಂಡಿವೆ.

ಇದೀಗ ನೀವು ಓದುತ್ತಿರುವುದು ಮೂರನೇ ವರುಷದ ಮೊದಲನೆಯ ಹಾಗೂ ಆಸುಮನದ ಮಾತುಗಳ ಒಟ್ಟಾರೆ ಮುನ್ನೂರ ತೊಂಭತ್ತನೇ ಪುಟ.

ಇದನ್ನು ಒಂದು ಸಾಧನೆಯೆಂದು ದಾಖಲಿಸಬೇಕೋ ಅಥವಾ ಒಂದು ಸಾಮಾನ್ಯ ವಿಷಯವೆಂದು ದಾಖಲಿಸಬೇಕೋ ಅರಿವಾಗುತ್ತಿಲ್ಲ.

ಇವು ಎಣಿಕೆಗಾಗಿ, ಮೂರನ್ನು ನೂರಾಗಿಸಿ, ನೂರನ್ನು ನಾಲ್ಕುನೂರಾಗಿಸಲಷ್ಟೇ ಬರೆದ ಮಾತುಗಳಲ್ಲ.

ನನ್ನ ಮನದ ಸ್ಪಂದನಗಳಿಗೆ ಅಕ್ಷರ ರೂಪಕೊಟ್ಟು, ದಾಖಲಿಸಿ, ತಮ್ಮೊಂದಿಗೆ ಹಂಚಿಕೊಳ್ಳುವುದೊಂದೇ ಈ ಮಾತುಗಳ ಪ್ರಕಟಣೆಯ ಹಿಂದಡಗಿರುವ ಉದ್ದೇಶ.

ಮನುಜ ಸದಾಕಾಲ ಕ್ರಿಯಾಶೀಲನಾಗಿರುತ್ತಾನೆ. ತಾನು ಕೇಳುವ ಮತ್ತು ನೋಡುವ ವಿಷಯಗಳಿಗೆ ಸದಾ ಸ್ಪಂದಿಸುತ್ತಿರುತ್ತಾನೆ.

ಆದರೆ, ಎಲ್ಲರೂ ಆ ಸ್ಪಂದನಗಳಿಗೆ ಅಕ್ಷರ ರೂಪಕೊಟ್ಟು ಬಹಿರಂಗ ಪಡಿಸಲಾರರು.

ನನ್ನ ಮನದೊಳಗಿನ ಸ್ಪಂದನಗಳಿಗೆಲ್ಲಾ ಅಕ್ಷರರೂಪಕೊಟ್ಟು ಬಹಿರಂಗಗೊಳಿಸುವ ಈ ಒಂದು ಹವ್ಯಾಸ ನನ್ನಲ್ಲಿ ರಕ್ತಗತವಾಗಿರುವುದಕ್ಕೆ ನಾನು ನನ್ನ ಅಜ್ಜಯ್ಯ ಮತ್ತು ಅಪ್ಪಯ್ಯನವರಿಗೆ ಸದಾ ಋಣಿಯಾಗಿದ್ದೇನೆ.

ಸ್ವಾತಂತ್ರ್ಯ ಹೋರಾಟಗಾರರಾಗಿದ್ದ ನಮ್ಮ ಅಜ್ಜಯ್ಯ, ದಿ. ಮುದ್ರಾಡಿ ಕೃಷ್ಣಯ್ಯ ಶೆಟ್ಟಿಯವರು ಕವಿತೆಗಳನ್ನು ಮತ್ತು ನೀಳ್ಗತೆಳನ್ನು ಬರೆಯುತ್ತಿದ್ದವರು.

ಆಯುರ್ವೇದ ತಜ್ಞ, ಪ್ರವಚನಕಾರ, ರಂಗಭೂಮಿ ಕಲಾವಿದ ಹಾಗೂ ಪ್ರಶಸ್ತಿ ವಿಜೇತ ಕೃಷಿಕರೂ ಆಗಿದ್ದ ನನ್ನ ಅಪ್ಪಯ್ಯ ಡಾ. ಯು. ಚಂದ್ರಶೇಖರ್  ಅವರೂ ಕವನಗಳನ್ನು, ನುಡಿಮುತ್ತುಗಳನ್ನು  ಮತ್ತು ಲೇಖನಗಳನ್ನು ಬರೆಯುತ್ತಿದ್ದವರು.

ಹಾಗಾಗಿ, ಈ ಹವ್ಯಾಸ ನನಗೆ ಅನುವಂಶೀಯವಾಗಿ ಬಂದಿದೆಯೆಂದೆನ್ನಬಹುದೇನೋ.

ಜೀವನದ ಪ್ರತಿಯೊಂದು ಹೆಜ್ಜೆಯಲ್ಲೂ, ಪ್ರತಿಯೊಂದು ಘಟನಾವಳಿಗೂ, ಆಯಾ ಸಂದರ್ಭಕ್ಕೆ ಸಂಬಂಧಿಸಿದ ಉಪಕತೆಗಳನ್ನು ಹೇಳಿ ಎಚ್ಚರಿಸುತ್ತಿದ್ದವರು ಮತ್ತು ಜೀವನದ ಪಾಠ ಮಾಡುತ್ತಿದ್ದವರು ನಮ್ಮ ಅಪ್ಪಯ್ಯನವರು.

ಹಾಸ್ಯ ಪ್ರಜ್ಞೆಯನ್ನು ತನ್ನ ಕೊನೆಯುಸಿರು ಇರುವವರೆಗೂ ಜೀವಂತ ಇರಿಸಿಕೊಂಡು ಬಾಳಿದವರು ಅವರು.

ಯಾವುದೇ ಗಂಭೀರ ಸನ್ನಿವೇಶಗಳಲ್ಲೂ ಹಾಸ್ಯಪ್ರಜ್ಞೆಯನ್ನು ಕಾಯ್ದುಕೊಳ್ಳುವ ಜಾಣ್ಮೆಯನ್ನು ಹಾಗೂ ಯಾವುದೇ ಅಪ್ರಮುಖ ಸನ್ನಿವೇಶಗಳಲ್ಲೂ ಗಂಭೀರವಾದ ಜೀವನ ಪಾಠವನ್ನು ಅರಿತುಕೊಳ್ಳುವ ಜಾಣ್ಮೆಯನ್ನೂ ನಮಗೆ ಕಲಿಸಿಕೊಟ್ಟವರು ಅವರು.

ಇಂದು ಆಸುಮನ ಎರಡು ವರುಷಗಳನ್ನು ಪೂರೈಸಿ ಮೂರನೇ ವರುಷಕ್ಕೆ ಪಾದಾರ್ಪಣೆ ಮಾಡುತ್ತಿರುವಾಗ ಅವರೀರ್ವರನ್ನು ನೆನೆಯುತ್ತಾ  ಮತ್ತು ಅವರೀರ್ವರ ಅಮರಾತ್ಮಗಳಿಗೂ ನಮಿಸಿ, ನನ್ನ ಕೃತಜ್ಞತೆಗಳನ್ನು ಸಲ್ಲಿಸುತ್ತಾ  ಮುಂದುವರಿಯುತ್ತಿದ್ದೇನೆ. 

ಅಲ್ಲದೇ, ಅಂತರ್ಜಾಲದಲ್ಲಿ ನಾನು ನನ್ನದೇ ಛಾಪು ಉಳಿಸಿಕೊಂಡು, ಬೆಳೆಸಿಕೊಂಡು ಹೋಗುವುದಕ್ಕೆ ಸಹಕಾರಿಯಾದ, ನಾನು ಎಡವಿದಾಗ ತಿದ್ದುವ, ಮಾತುಗಳು ಮೆಚ್ಚುಗೆಯಾದಾಗ ಬಾಯ್ಬಿಟ್ಟು ಪ್ರೋತ್ಸಾಹದ ಮಾತುಗಳನ್ನು ನುಡಿದು, ನನ್ನ ಬೆನ್ನುತಟ್ಟಿ ಸ್ಪೂರ್ತಿ ತುಂಬುವ, ಇನ್ನೆಲ್ಲೋ ಹೋಗಿ, ಇನ್ಯಾರದೋ ಮುಂದೆ, ಆಸುಮನದ ಬಗ್ಗೆ ಒಳ್ಳೆಯ ನಾಲ್ಕು ನಿಸ್ವಾರ್ಥ ಮಾತುಗಳನ್ನು ಆಡುವ ಹಾಗೂ ಸದಾ ನನ್ನ ಹುಮ್ಮಸ್ಸನ್ನು ಇಮ್ಮಡಿಗೊಳಿಸಿ ಮುನ್ನಡೆಸುವ, ನನ್ನ ಅಪಾರ ಓದುಗ ಬಳಗಕ್ಕೆ ನಾನು ಹೃತ್ಪೂರ್ವಕ ಧನ್ಯವಾದಗಳನ್ನು ಅರ್ಪಿಸುತ್ತೇನೆ.

ಹಾಗೆಯೇ ಇನ್ನು ಮುಂದೆಯೂ ತಮ್ಮಿಂದ ಇದೇ ರೀತಿಯ ಪ್ರೋತ್ಸಾಹವನ್ನು ಸದಾ ನಿರೀಕ್ಷಿಸುತ್ತಾ ಇರುತ್ತೇನೆ.

****


ಕೋಟು ಕೊಳ್ಳಿರಯ್ಯಾ ಕೋಟು…!

02 ಫೆಬ್ರ 11

ಬನ್ನಿ ಕೋಟು ಕೊಳ್ಳಿರಯ್ಯಾ ಕೋಟು

ಅಂಥಿಂಥ ಕೋಟುಗಳಿಲ್ಲ ಇಲ್ಲಿ, ಅದೆಂಥೆಂಥವರ ಕೋಟುಗಳಿವೆಯಯ್ಯಾ

 

ಹಿರಿಯ ಸಾಹಿತಿವರ್ಯರ ಕೋಟು

ಸಾಹಿತ್ಯ ಸಮ್ಮೇಳನದಲ್ಲವರು ಧರಿಸಿದ್ದ ಅತ್ಯಮೂಲ್ಯ ಕೋಟು ಇದಯ್ಯಾ

 

ಬಂಡಾಯಕ್ಕೆ ಹೆಸರಾದವರ ಕೋಟು

ಕಂಡ ಕಂಡವರನ್ನೆಲ್ಲಾ ಬಂಡಾಯವೇಳಲು ಪ್ರೇರೇಪಿಸುವ ಕೋಟಿದಯ್ಯಾ

 

ನವ್ಯ ನವೀನ ಎಂದೇ ಹೆಸರಾದ ಕೋಟು

ಹೋದ ಹೋದಲ್ಲೆಲ್ಲಾ ಹೊಸ ಛಾಪುಗಳ ಮೂಡಿಸಿ ಬಂದಿಹ ಕೋಟಿದಯ್ಯಾ

 

ಗೊಂದಲಮಯವಾಗಿಹ ವಿಚಿತ್ರ ಕೋಟು

ಎತ್ತ ಕೈ, ಎತ್ತ ಕಿಸೆ, ಕತ್ತು ಎಂದರಿಯಲಾಗದ ವಿಚಿತ್ರವಾಗಿಹ ಕೋಟಿದಯ್ಯಾ

 

ರಾಜಕೀಯ ಮುಖಂಡರದೀ ಕೋಟು

ಚುನಾವಣೆಯ ದಿನಗಳಲಿ ಭರವಸೆ ತುಂಬುತ್ತಿದ್ದ ಮಹಾನ್ ಕೋಟಿದಯ್ಯಾ

 

ಎಡ ಪಂಥೀಯ ನಾಯಕರದೀ ಕೋಟು

ಅದ್ಯಾವುದೋ ಚಳುವಳಿಯ ಭಾಗವಾಗಿ ಧೂಳು ತುಂಬಿಸಿದ ಕೋಟಿದಯ್ಯಾ

 

ಇಲ್ಲ ಇಲ್ಲ ನನ್ನ ಸ್ವಂತದ್ದು ಅಲ್ಲವೀ ಕೋಟು

ಅಲ್ಲಿಲ್ಲಿಂದೆತ್ತಿ-ಬಳಸದೇ-ಕೆಡಿಸದೇ ಮುಂದೆ ಸಾಗಹಾಕುವ ಕೋಟುಗಳಿವಯ್ಯಾ

 

ನನ್ನಲ್ಲದೇನಿದ್ದರೂ ಅವರಿವರ ಕೋಟು

ಬೆಲೆ ಅರಿಯದೇ, ಬಲ ತಿಳಿಯದೇ, ಮುಂದಕ್ಕೆ ರವಾನಿಸುವ ಕೋಟುಗಳಯ್ಯಾ

 

ಬನ್ನಿ ಕೋಟು ಕೊಳ್ಳಿರಯ್ಯಾ ಕೋಟು

ಅಂಥಿಂಥ ಕೋಟುಗಳಲ್ಲ ಇಲ್ಲಿ ಅದು ಎಂಥೆಂಥವರ ಕೋಟುಗಳಿವೆಯಯ್ಯಾ

********************************

Click here if you want to read this post in English Fonts

 


ನೀನು ಮರೆಯದೇ ಇದ್ದರೇ…!

31 ಜನ 11

 

 

||ನೀನು ಮರೆಯದೇ ಇದ್ದರೆ
ನನಸಾಗುವವು ಕನಸುಗಳೆಲ್ಲಾ
ನಾವು ಬೇರಾಗೋದೇ ಇಲ್ಲ
ನಾವು ಬೇರಾಗೋದೇ ಇಲ್ಲ||

ತನ್ನ ಕೈಗಳಿಂದ ಬ್ರಹ್ಮ
ನಮ್ಮನ್ನು ಸೃಷ್ಟಿಸಿರುವ
ಮನಗಳಲ್ಲಿ ಮಿಡಿತವಿರಿಸಿ
ಮನಗಳನ್ನು ಜೋಡಿಸಿರುವ
ಮತ್ತಾ ಪ್ರೀತಿದೂತ ನಮ್ಮನ್ನು
ಈ ಜಗಕೆ ಕರೆತಂದಿರುವಾ

||ನೀನು ಮರೆಯದೇ ಇದ್ದರೆ
ನನಸಾಗುವವು ಕನಸುಗಳೆಲ್ಲಾ
ನಾವು ಬೇರಾಗೋದೇ ಇಲ್ಲ
ನಾವು ಬೇರಾಗೋದೇ ಇಲ್ಲ||

ಜೀವನದ ಪ್ರತಿ ಪಯಣದಲ್ಲೂ
ನಾವಿರೋಣ ಜೊತೆಯಾಗಿ
ಈ ಜಗದ ಪ್ರತಿ ಹಾದಿಯಲೂ
ನಡೆಯೋಣ ಜೊತೆಯಾಗಿ
ಬಾಳೋಣ ಜೊತೆಯಾಗಿ
ಸಾಯೋಣ ಜೊತೆಯಾಗಿ

||ನೀನು ಮರೆಯದೇ ಇದ್ದರೆ
ನನಸಾಗುವವು ಕನಸುಗಳೆಲ್ಲಾ
ನಾವು ಬೇರಾಗೋದೇ ಇಲ್ಲ
ನಾವು ಬೇರಾಗೋದೇ ಇಲ್ಲ||
****************

ಹಿಂದೀ ಚಿತ್ರಗೀತೆಯ ಭಾವಾನುವಾದ:

Gar Tum Bhula Doge Lyrics

Film: Yakeen (1969)

||Gar tum bhula na doge
Sapne yeh sach hi honge
Hum tum judaa na honge
Hum tum judaa na honge||

Malik ne apne hathon
Jis ghum hume banaya
Dali dilon mein dhadkan
Aur dil se dil milaya
Fir pyar ka farishta
Duniya mein leke aaya

||Gar tum bhula na doge
Sapne yeh sach hi honge
Hum tum judaa na honge
Hum tum judaa na honge||

Jeevan ke har safar mein
Hum saath hi rahenge
Duniya ke har dagar par
Hum saath hi chalenge
Hum saath hi jiyenge
Hum saath hi marenge

||Gar tum bhula na doge
Sapne yeh sach hi honge
Hum tum judaa na honge
Hum tum judaa na honge||


ಇದುವೇ ಜೀವನ!

24 ಜನ 11

 

“ಇಂದವನ ಜನ್ಮ ದಿನ
ಅವನ ನೆನಪಿನಲೆಯಲ್ಲಿ ಸಾಗಿದೆ ಈ ಮನ
ಮರೆತೆನೆಂದರೂ ಮರೆಯಲಾಗದು ಆತನೊಂದಿಗೆ ಕಳೆದ ದಿನ”

*****

“ಸಖೀ, ಇದುವೇ ಜೀವನ
ಆಗುವುದಿಲ್ಲ ಏನೂ ಎಣಿಸಿದಂತೆ ಈ ಮನ
ಎಲ್ಲೆಂದರಲ್ಲಿ ಯಾರ್ಯಾರೊಂದಿಗೋ ಹೆಣೆದುಕೊಳ್ಳುವುದು ಮನ

ಅಂದಿಗೆ ಅದುವೇ ಸತ್ಯ
ಇಂದು ನಿಜದಿ ಆಗಿಲ್ಲವಾದರೂ ಅದು ಮಿಥ್ಯ
ಅದಕ್ಕೇ ಅಂಟಿಕೊಂಡಿರಲಾಗದು ಜೀವನ ಸಾಗುತಿರಬೇಕು ನಿತ್ಯ

ಜೀವನದ ಪುಟಗಳಲಿ
ಅಧ್ಯಾಯಗಳ ನಂತರ ಅಧ್ಯಾಯಗಳು ಇರಲಿ
ಒಂದಕ್ಕೊಂದು ಸಂಬಂಧಿಸದಿದ್ದರೂ ಜೀವನದಲಿ ದಾಖಲೆಗಳಿರಲಿ

ಒಂದು ಅಧ್ಯಾಯದ
ಪ್ರಭಾವ ಇನ್ನೊಂದರ ಮೇಲಿರದೇ ಆ ಭಾಗದ
ಪರಿಧಿಯಲೇ ಅರ್ಥ ನೀಡಿ,  ಅಳಿಸಲಾಗದ ಭಾಗವಾಗಿರಲಿ ಸದಾ

ನೆನಪುಗಳು ನೀರಿನಂತೆ
ಬೆಳೆಯುತಿರುವ ಈ ಜೀವನಕೆ ಸಹಕಾರಿಯಂತೆ
ನೆನಪುಗಳಿಂದಲೇ ಶಕ್ತಿ ತುಂಬಿಸಿಕೊಂಡು ಸದಾ ಸಾಗುತಿರಬೇಕಂತೆ

ಆತನಿಂದೆಲ್ಲಾದರೂ ಇರಲಿ
ಆತನ ಜೀವನದಲೂ ಸದಾಕಾಲ ನೆಮ್ಮದಿ ಇರಲಿ
ಆತನ ಜೀವನಕ್ಕೆ ಶಕ್ತಿ ತುಂಬುತ್ತಾ ನಿನ್ನ ನೆನಪುಗಳು ಅಲ್ಲಿ ಜೊತೆಗಿರಲಿ”
***********************


ನೀನು ಇಲ್ಲದೇ ಇದ್ದರೆ…!

19 ಜನ 11

ನನಗೆ ಬದುಕುವಾಸೇನೇ ಇರ್ತಿರ್ಲೇ ಇಲ್ಲ
ನೀನಿಲ್ದೇ ಇದ್ರೆ, ನೀನಿಲ್ದೇ ಇದ್ರೆ

ನಿನ್ನ ನೋಡಿದಾಗ ಅನಿಸುತ್ತೆ ನನಗೆ
ಸಂತಸದ ದಿನಗಳು ಮರಳಿರುವ ಹಾಗೆ
ಏನೂ ಕಾಣದೇ ನಾ ಕತ್ತಲಲ್ಲೇ ಇರ್ತಿದ್ದೆ
ನೀನಿಲ್ದೇ ಇದ್ರೆ, ನೀನಿಲ್ದೇ ಇದ್ರೆ

ನನಗೆ ಬದುಕುವಾಸೇನೇ ಇರ್ತಿರ್ಲೇ ಇಲ್ಲ
ನೀನಿಲ್ದೇ ಇದ್ರೆ, ನೀನಿಲ್ದೇ ಇದ್ರೆ

ನಿನ್ನ ಆಸರೆ ನನಗೆ ದೊರಕದೇ ಇದ್ದಿದ್ರೆ
ದಡ ಸೇರದೇ ನಡುವಲ್ಲೇ ನಾ ಉಳೀತಿದ್ದೆ
ದಡದಲ್ಲೂ ತೆರೆಗಳು ಮುಳುಗಿಸುತ್ತಾ ಇದ್ದವು
ನೀನಿಲ್ದೇ ಇದ್ರೆ, ನೀನಿಲ್ದೇ ಇದ್ರೆ

ನನಗೆ ಬದುಕುವಾಸೇನೇ ಇರ್ತಿರ್ಲೇ ಇಲ್ಲ
ನೀನಿಲ್ದೇ ಇದ್ರೆ, ನೀನಿಲ್ದೇ ಇದ್ರೆ

ಏನ ಹೇಳಲಿ ನೀನು ನನಗೆ ಯಾರು ಎಂದು
ನನ್ನೀ ಜೀವನಕೆ ಆಸರೆ ನೀನಿಂದು
ಅಶಾಗೋಪುರ ನಾ ಕಟ್ತಾನೇ ಇಲ್ಲ
ನೀನಿಲ್ದೇ ಇದ್ರೆ, ನೀನಿಲ್ದೇ ಇದ್ರೆ

ನನಗೆ ಬದುಕುವಾಸೇನೇ ಇರ್ತಿರ್ಲೇ ಇಲ್ಲ
ನೀನಿಲ್ದೇ ಇದ್ರೆ, ನೀನಿಲ್ದೇ ಇದ್ರೆ

ನಿನ್ನೆಲ್ಲಾ ನೋವ ನಾ ಸಹಿಸಿಕೊಳ್ಳಬಲ್ಲೆ
ಯಾರಲ್ಲೂ ನಾನ್ಯಾವ ದೂರೂ ನೀಡಲೊಲ್ಲೆ
ಜಗ ನೋಡಿ ನಕ್ಕರೆ, ಖುಷಿಯೇ ಅಳುತ್ತಿತ್ತು
ನೀನಿಲ್ದೇ ಇದ್ರೆ, ನೀನಿಲ್ದೇ ಇದ್ರೆ

ನನಗೆ ಬದುಕುವಾಸೇನೇ ಇರ್ತಿರ್ಲೇ ಇಲ್ಲ
ನೀನಿಲ್ದೇ ಇದ್ರೆ, ನೀನಿಲ್ದೇ ಇದ್ರೆ

ಇಂದ್ಯಾಕೆ ಮನದಿಂದ ಈ ಮಾತು ಬಂತು
ಮಿಲನಕ್ಕಿಂತ ನಿನ್ನ ವಿರಹವೇ ಹೆಚ್ಚಾಯ್ತು
ಕಣ್ಣೀರ ಹನಿಗಳೂ ಮುತ್ತಾಗೋದಿಲ್ಲ
ನೀನಿಲ್ದೇ ಇದ್ರೆ, ನೀನಿಲ್ದೇ ಇದ್ರೆ

ನನಗೆ ಬದುಕುವಾಸೇನೇ ಇರ್ತಿರ್ಲೇ ಇಲ್ಲ
ನೀನಿಲ್ದೇ ಇದ್ರೆ, ನೀನಿಲ್ದೇ ಇದ್ರೆ

“ಅಗರ್ ತುಮ್ ನ ಹೋತೇ” ಹಿಂದೀ ಚಿತ್ರದ ಗೀತೆಯ ಭಾವಾನುವಾದದ ಪ್ರಯತ್ನ ಇದು.

Lyrics
Kishore Kumar Version:
Hamein Aur Jeene Ki Chaahat Na Hoti -2
Agar Tum Na Hote, Agar Tum Na Hote

(Tumhen Dekhke To Lagta Hai Aise
Bahaaron Ka Mausam Aaya Ho Jaise) -2
Dikhaayi Na Deti Andheron Mein Jyoti
Agar Tum Na Hote, Agar Tum Na Hote
Hamein Aur Jeene Ki..

(Hamein Jo Tumhaara Sahaara Na Miltaa
Bhanvar Mein Hi Rehte Kinaara Na Miltaa) -2
Kinaare Pe Bhi To Leher Aa Duboti
Agar Tum Na Hote, Agar Tum Na Hote
Hamein Aur Jeene Ki..

Lata Mangeshkar Version:
Hamein Aur Jeene Ki Chaahat Na Hoti -2
Agar Tum Na Hote, Agar Tum Na Hote

(Tumhen Kyaa Bataaoon Ke Tum Mere Kyaa Ho
Meri Zindagi Ka Tum Hi Aasra Ho) -2
Main Aasha Ki Ladiyaan, Na Rah Rah Piroti
Agar Tum Na Hote, Agar Tum Na Hote
Hamein Aur Jeene Ki..

(Har Ik Gham Tumhaara Sahenge Khushi Se
Karenge Na Shikwaa Kabhi Bhi Kisi Se) -2
Jahaan Mujh Pe Hastaa, Khushi Mujhpe Roti
Agar Tum Na Hote, Agar Tum Na Hote
Hamein Aur Jeene Ki..

Sad Version (Kishore Kumar):
Na Jaane Kyoon Dil Se Ye Aawaz Aayi
Milan Se Hai Badhke Tumhaari Judaai
In Aankhon Ke Aansoo, Na Kehlaate Moti.
Agar Tum Na Hote, Agar Tum Na Hote -2


ಮಕರಜ್ಯೋತಿ ಮಾನವ ನಿರ್ಮಿತ ಅನ್ನುವುದನ್ನು ಒಪ್ಪುವುದಿಲ್ಲವೇ “ವಾರ್ತಾಭಾರತಿ” ದಿನಪತ್ರಿಕೆಯ ಸಂಪಾದಕರು?

18 ಜನ 11

ಮಕರ ಜ್ಯೋತಿ ಮಾನವ ನಿರ್ಮಿತ ಎನ್ನುವುದನ್ನು ಕೇರಳ ಸರಕಾರ ಕರ್ನಾಟಕದ ಉಚ್ಛನ್ಯಾಯಾಲಯದಲ್ಲಿ ಒಪ್ಪಿಕೊಂಡು ಎರಡು ವರಷಗಳ ಮೇಲಾಯ್ತು.

ಆದರೂ ವಾರ್ತಾಭಾರತಿ ದಿನಪತ್ರಿಕೆಯ ಸಂಪಾದಕರು ಅದನ್ನು ನಂಬುತ್ತಿಲ್ಲ ಅಂತ ಅನಿಸುತ್ತಿದೆ.

ಇದು ಆ ದಿನಪತ್ರಿಕೆಯಲ್ಲಿನ ನಿನ್ನೆಯ (ಸೋಮವಾರ, ೧೭ ಜನವರಿ ೨೦೧೧ರ) ಸಂಪಾದಕೀಯ.

ಆ ದಿನಗಳಲ್ಲಿ ಪ್ರಕಟವಾದ ಸುದ್ದಿಗಳ ಕೊಂಡಿಗಳು ಇಲ್ಲಿವೆ:

http://mangaloreantimes.com/news/viewers/display_news.php?news_id=513

http://www.dnaindia.com/india/report_sabarimala-authorities-say-divine-light-is-man-made_1167382


ಮಾತಾಡುವಾಸೆ ಇಲ್ಲವೆಂದೇನಲ್ಲ!

14 ಜನ 11

 

“ದಿನ ಪ್ರತಿದಿನ ಮಾತನಾಡಲು
ನಿಜದಿ ವಿಷಯಗಳು ಇರಬೇಕಲ್ಲಾ?”

*

“ವಿಷಯ ಏನೂ ಇಲ್ಲದಿದ್ದರೇನು
ಮಾತಾಡುವಾಸೆ ಇಲ್ಲವೆಂದೇನಲ್ಲ”

*

“ನಿನ್ನ ದನಿ ಕಿವಿಗಳಿಗೆ ಬಿದ್ದರೆ
ಅಂದಿನ ದಿನ ಸಾರ್ಥಕವಾಗುವುದಲ್ಲ”

*

“ನಿನಗಾಗಿ ಅಲ್ಲ ನಿಜವಾಗಿಯೂ
ನನಗಾಗಿಯೇ ಕರೆಮಾಡುವೆ ಸುಳ್ಳಲ್ಲ”

*

“ಸರಿ ದಿನಕ್ಕೊಂದು ಕರೆಮಾಡು
ನಿನ್ನಾಣೆಗೂ ಬೇರೇನೂ ಬೇಡುವುದಿಲ್ಲ”

*

“ಆಣೆಯ, ಬೇಡುವ ಮಾತೇಕೆ
ನನಗೂ ಇದೆ ಆಸೆ ನಾ ಮುಚ್ಚಿಡುವುದಿಲ್ಲ”

*

“ನಿನ್ನ ಮನದೊಲವ ಅರಿತಿರುವೆ
ಸರಿ ಬಿಡು ಇಂದಿನ ಮಾತು ಮುಗಿಯಿತಲ್ಲಾ?”

*

“ನಾಳೆ ಹೊಸತೊಂದು ರಾಗದಲಿ
ಹೊಸ ನೆವದೊಂದಿಗೆ ಮಾತಾಡಿದರಾಯ್ತಲ್ಲಾ?”
****************


ವಿವೇಕಾನಂದರೇ ನೀಡಲಿ ಸ್ಪೂರ್ತಿ ಈ ಮನಕೆ!

12 ಜನ 11

ಇಂದು ನಿರ್ಧರಿಸಿದ್ದೆ ನಾನು
ಈ ಏಕತಾನತೆಯಿಂದ ಬಿಡುಗಡೆ ಹೊಂದಬೇಕೆಂದು,
ಆಸುಮನದ ಮಾತುಗಳಲ್ಲಿನ
ಏಕತಾನತೆಯನ್ನೂ ಆದಷ್ಟು ಕಿತ್ತೊಗೆಯಬೇಕೆಂದು;

ಮುಂಜಾನೆ ಐದಕ್ಕೆ ಬದಲಾಗಿ
ಏಳರವರೆಗೆ ಮಲಗಿದ್ದೆ ಬದಲಾವಣೆ ಇರಲೆಂದು,
ಮುಂಜಾನೆಯ ನಡಿಗೆಗೆ ರಜಾ
ಘೋಷಿಸಿ ತಯಾರಾದೆ ನಾನು ಹಲ್ಲುಜ್ಜಿ ಮಿಂದು;

ರಾಗಿ ದೋಸೆಗೆ ಬದಲಾಗಿ ಅಕ್ಕಿ
ದೋಸೆಯ ತಿಂದೆ ಸಕ್ಕರೆ ಹೆಚ್ಚಾದರೆ ಆಗಲೆಂದು,
ಕಛೇರಿಗೆ ದ್ವಿಚಕ್ರಿಯ ಬದಲಾಗಿ
ಬಸ್ಸಿನಲೇ ಪಯಣಿಸಿದೆ ಭಿನ್ನತೆ ಇರಲಿ ಇಂದೆಂದು;

ಆದರೇನು ಮಾಡಲಿ ಕೆಲಸದಲಿ
ಅದೇ ಏಕತಾನತೆ ಅಲ್ಲೇನೂ ಬದಲಾವಣೆ ಸಾಧ್ಯವಿಲ್ಲ,
ಪತ್ರಿಕೆಗಳ ಸುದ್ದಿಗಳಲೂ ಅದೇ
ಏಕತಾನತೆ ಅಲ್ಲೂ ಹೊಸಸುದ್ದಿಗಳ ಸುಳಿವಂತೂ ಇಲ್ಲ;

ವಿಧಾನಮಂಡಲದೊಳಗೆ ಅದೇ
ಕಬಡ್ಡಿಯಾಟ, ಈರುಳ್ಳಿ ಬೆಲೆಯಲ್ಲಿ ಎಂದಿನ ಏರುಪೇರು,
ಸ್ವಾಮಿ ವಿವೇಕಾನಂದರ ಜನುಮ
ದಿನದಂದು ಹೊಸತು ಬರಲೆಂದೀ ಮನಕ್ಕೆ ಕೊಟ್ಟೆ ಜೋರು;

ಅದೇಕೋ ನನ್ನೀ ಮನವೂ
ಜಡವಾಗಿದೆ ಬೆಂಗಳೂರಿನ ಸೋಮಾರಿ ವಾತಾವರಣದಂತೆ,
ವಿವೇಕಾನಂದ ಸ್ವಾಮಿಯೇ ನನ್ನ
ಈ ಮನಕೆ ಸ್ಪೂರ್ತಿಯ ನೀಡಿ ಹೊಸ ಹೊಸತನ್ನು ಬರೆಸಲಂತೆ!
**********************


ಇನ್ನೆಷ್ಟು ಕಾಡಲಿದ್ದಾಳೋ ವಿದೇಶೀ ಪೂತನಿ…?

07 ಜನ 11

ನಮ್ಮ ಧ್ವಜವನ್ನು ಕಂಡು ಉರಿಯುವವರೂ ನಿಜದಿ ನಮ್ಮವರೇನ್ರೀ
ಈ ಕಾಶ್ಮೀರ ಭಾರತದೊಳಗಲ್ಲದೇ ಪರದೇಶದೊಳಗೆ ಇದೆಯೇನ್ರೀ

ನಮ್ಮ ದೇಶದ ವ್ಯವಸ್ಥೆ ಇಂದು ಯಾವ ಕೀಳು ಮಟ್ಟಕ್ಕಿಳಿದಿದೆ ನೋಡಿ
ರಾಷ್ಟ್ರಧ್ವಜವನ್ನೂ ವಿರೋಧಿಸುವವರ ಸಂಖ್ಯೆ ಇಲ್ಲಿ ಅದೆಷ್ಟಿದೆ ನೋಡಿ

ಗಣತಂತ್ರ ದಿವಸದಂದು ನಮ್ಮ ನಾಡೊಳಗೆ ರಾಷ್ಟ್ರಧ್ವಜ ಹಾರಿಸಬೇಡಿ
ಧ್ವಜವನ್ನು ಕಂಡು ಉರಿಯುವ ಬಂಧುಗಳನು ಸುಮ್ಮನೇ ಕೆಣಕಬೇಡಿ

ಎಲ್ಲರನೂ ಖುಷಿ ಪಡಿಸುತ್ತಾ ಖುರ್ಚಿಗೇ ಅಂಟಿಕೊಂಡು ಇದ್ದರಾಯ್ತು
ಪ್ರಗತಿ ಹೇಗಿರಲೇಕೆ ಭ್ರಷ್ಟಾಚಾರ ಮಾತ್ರ ತಾಂಡವವಾಡಿದರಾಯ್ತು

ಆಟ ಆಡಿಸಲು ಕೂತವರೇ ಮಾಡಿದ ನಷ್ಟ ಲಕ್ಷಾಂತರ ಕೋಟಿಯಂತೆ
ಆಟ ಮುಗಿದು ತಿಂಗಳುಗಳಾದ ಮೇಲೆ ಈಗ ತನಿಖೆಯ ನಾಟಕವಂತೆ

ಅರವತ್ತು ಕೋಟಿಯ ಬೋಫೋರ್ಸ್ ತನಿಖೆಗೆ ಖರ್ಚು ಶತಕೋಟಿ
ಅಷ್ಟಾಗಿಯೂ ಶಿಕ್ಷಿಸದೇ ಅಲ್ಲೆಲ್ಲರಿಗೂ ಅಪರಾಧಿಯಲ್ಲವೆಂಬ ಚೀಟಿ

ತನ್ನವರನ್ನೆಲ್ಲಾ ಪಾರು ಮಾಡಿದ್ದಾಳೆ ಹಗರಣಗಳ ತನಿಖೆಯಿಂದ
ಈ ನಾಡಿನ ಸರಕಾರ ನಡೆಸುತ್ತಾಳೆ ಪರೋಕ್ಷ ನಿಯಂತ್ರಣದಿಂದ

ಇನ್ನೆಷ್ಟು ವರುಷ ನಮ್ಮನ್ನೆಲ್ಲಾ ಕಾಡಲಿದ್ದಾಳೋ ವಿದೇಶೀ ಪೂತನಿ
ಬಾರದಿಹನ್ಯಾಕಿನ್ನೂ ಕೃಷ್ಣ, ಕೇಳಿಸದೇ ಆತನಿಗೆ ನಾಡ ಜನದನಿ?

**********************


ಅಪ್ಪನ ಹಾರೈಕೆಗಳಿಲ್ಲಿವೆ ಮಗಳೇ …!

06 ಜನ 11

ಈ ಅಪ್ಪನ ಹಾರೈಕೆಗಳಿಲ್ಲಿವೆ ಮಗಳೇ
ನಿನಗಲ್ಲಿ ಸುಖೀ ಸಂಸಾರವೇ ಸಿಗಲಿ,
ತವರಿನ ನೆನಪೆಂದೂ ಕಾಡದಿರುವಂತೆ
ಸದಾ ಪ್ರೀತಿಯ ವರ್ಷಾಧಾರೆಯೇ ಇರಲಿ;

ಮುದ್ದು ಮುದ್ದಾದ ಹೂವಿನಂಥ ನಿನ್ನನ್ನು
ಬಲು ಜೋಪಾನವಾಗಿ ಬೆಳೆಸಿದ್ದೆ ನಾನು,
ಈ ಬಾಹುಗಳನ್ನೇ ತೊಟ್ಟಿಲಾಗಿಸಿಕೊಂಡು
ಹಲವೊಮ್ಮೆ ತೂಗಿಸಿ ಮಲಗಿಸಿದ್ದೆ ನಾನು,
ನನ್ನ ಹೂದೋಟದ ಕೋಮಲ ಲತೆಯೇ
ನಿನ್ನ ಬಾಳಲ್ಲಿ ಸದಾ ವಸಂತ ಚೈತ್ರವಿರಲಿ;

|| ಈ ಅಪ್ಪನ ಹಾರೈಕೆಗಳಿಲ್ಲಿವೆ ಮಗಳೇ
ನಿನಗಲ್ಲಿ ಸುಖೀ ಸಂಸಾರವೇ ಸಿಗಲಿ||

ನೀನು ಹೋಗಿ ಸೇರುತಿರುವಾ ಮನೆಯಲ್ಲಿ
ಕಂದಾ, ನಿನ್ನ ಮಾತಿಗೆಂದೂ ಬೆಲೆ ಇರಲಿ,
ನಿನ್ನಾ ತುಟಿಗಳಲ್ಲಿ ನಗುವಿನ ಹೊಂಬಿಸಿಲು
ನಿನ್ನ ಹಣೆಯಲಿ ಖುಷಿಯ ಸಿಂಧೂರವಿರಲಿ,
ಎಂದಿಗೂ ಕಳೆಗುಂದದ ಸುಂದರ ರೂಪ
ಶೃಂಗಾರದ ಸೌಭಾಗ್ಯವು ನಿನ್ನದಾಗಿರಲಿ,

|| ಈ ಅಪ್ಪನ ಹಾರೈಕೆಗಳಿಲ್ಲಿವೆ ಮಗಳೇ
ನಿನಗಲ್ಲಿ ಸುಖೀ ಸಂಸಾರವೇ ಸಿಗಲಿ||

ನಿನ್ನ ಜೀವನದ ಪ್ರತಿಯೊಂದೂ ಕ್ಷಣವೂ
ಆರಾಮದ ತಂಪು ನೆರಳಿನಲ್ಲೇ ಕಳೆಯಲಿ,
ನನ್ನ ಮುದ್ದಿನ ಮರಿಯೇ ನಿನ್ನ ಕೋಮಲ
ಪಾದಗಳಿಗೆ ಮುಳ್ಳುಗಳೆಂದೂ ಚುಚ್ಚದಿರಲಿ,
ನೀನು ಹಾದು ಹೋಗುವ ಬಾಗಿಲುಗಳಿಂದ
ಕಷ್ಟಕಾರ್ಪಣ್ಯಗಳೆಲ್ಲಾ ಸದಾ ದೂರವಿರಲಿ!

|| ಈ ಅಪ್ಪನ ಹಾರೈಕೆಗಳಿಲ್ಲಿವೆ ಮಗಳೇ
ನಿನಗಲ್ಲಿ ಸುಖೀ ಸಂಸಾರವೇ ಸಿಗಲಿ||

******************

 


Hindi Song: Baabul Kee Duwaaye Letee Ja
Movie or Album: Neel Kamal
Singer(s): Mohammad Rafi
Music Director(s): Ravi
Lyricist(s): Sahir Ludhiyanvi

Hindi Lyrics

baabul kee duwaaye letee ja, ja tujhako sukhee sansaar mile
mayake kee kabhee naa yaad aaye, sasuraal me itana pyaar mile
naajo se tujhe paala maine, kaliyo kee tarah phulo kee tarah
bachapan me julaaya hain tujhako, baaho ne meree julo kee tarah
mere baag kee ai naajuk daalee, tuje harpal nayee bahaar mile

jis ghar se bandhe hain bhaag tere, uss ghar me sada teraa raaj rahe
haothon pe hansee kee dhup khile, maathe pe khushee kaa taaj rahe
kabhee jisakee jyot naa ho fikee, tuje aisa rup singaar mile

bite tere jivan kee ghadiya, aaram kee thhandee chhanv me
kaanta bhee naa chubhane paaye kabhee, meree ladalee tere paanv me
uss dwaar se bhee dukh dur rahe, jis dwaar se teraa dwaar mile