ಶೃಂಗಾರ!

27 ಸೆಪ್ಟೆಂ 12

ಸಖೀ,
ಸಮಾಜ 
ನೋಡುವ 
ಈ ಮುಖ 
ದೇಹಗಳನ್ನು
ಶೃಂಗರಿಸುವವರು
ನಾವೆಲ್ಲರೂ,

ಆ ಭಗವಂತ
ನೋಡುವ
ನಮ್ಮೊಳಗಿನ
ಹೃದಯಗಳನ್ನು
ಶೃಂಗರಿಸುವವರು
ನಮ್ಮಲ್ಲೆಷ್ಟಿಹರು
ಹೇಳು ಎಲ್ಲಿಹರು
*****

Advertisements

ಮಗಳಿಗೊಂದು ಸಂದೇಶ!

13 ಮೇ 12

ದಯವಿಟ್ಟು,
ನಿನ್ನ ಹೃದಯವನ್ನೇ
ದೇವ ಮಂದಿರವನ್ನಾಗಿ
ಇರಿಸಲು ಪ್ರಯತ್ನಿಸು,
ಆ ಭಗವಂತನನ್ನು
ಅಲ್ಲಿ ಶಾಶ್ವತವಾಗಿ
ನೆಲೆಯೂರುವಂತೆ
ಆಹ್ವಾನಿಸು.

ಆಮೇಲೆ,
ನಿನಗಾವ ಭಯವೂ ಇರದು,
ಪುರೋಹಿತ ವರ್ಗವು
ದೇವರ ಹೆಸರಿನಲ್ಲಿ ವ್ಯಾಪಾರ
ನಡೆಸುವ ದೇವಸ್ಥಾನಗಳೆಂಬ
ಸ್ಥಳಗಳಿಗೆ ಓಡಾಡುವ
ಆವಶ್ಯಕತೆಯೂ ಇರದು!
____________


ಪ್ರೀತಿಯನು ಅರಿಯಲು…!

13 ಮೇ 12

ಸಂಬಂಧಗಳ ನಡುವೆ
ಅನುಕಂಪಗಿಟ್ಟಿಸಿಕೊಂಡು
ಬಾಳುವುದು ಅಸಹನೀಯ,

ಸದಾಕಾಲ ಪರರ
ಅನುಕಂಪವ ನಿರೀಕ್ಷಿಸುತ್ತಲೇ
ಇರುವವರ ಬದುಕು ಶೊಚನೀಯ;

ಪ್ರೀತಿ ಕೊಡುವುದರ ಹೆಸರು.
ಪಡೆಯುವುದರ ಹೆಸರಲ್ಲ,

ಪ್ರೀತಿ ಬಯಸುವುದು ಕಡಿಮೆ,
ಆದರೆ ಸದಾ ನೀಡುವುದು ಎಲ್ಲಾ;

ಪ್ರೀತಿಯನ್ನು ಅರ್ಥ ಮಾಡಿಕೊಳ್ಳಲು
ಪ್ರೀತಿ ತುಂಬಿದ ಹೃದಯವೇ ಬೇಕು,

ಪ್ರೀತಿ ಮನಸ್ಸಿನ ವಿಷಯವಲ್ಲ,
ಅದು ಹೃದಯಕ್ಕೆ ಸಂಬಂಧಿಸಿದ
ವಿಷಯ ಎನ್ನುವುದನ್ನರಿತರೆ ಸಾಕು!
_______________


ಎದೆಯಲ್ಲಿ ಉರಿತ… ಕಂಗಳಲ್ಲಿ ಚಂಡಮಾರುತ!

24 ಫೆಬ್ರ 11

 

||ಎದೆಯೊಳಗುರಿತ, ಕಂಗಳಲ್ಲಿ ಚಂಡಮಾರುತದಂತಿಹುದೇಕೆ
ಈ ನಗರದ ಪ್ರತಿ ವ್ಯಕ್ತಿಯೂ ಗೊಂದಲಮಯನಾಗಿಹನದೇಕೆ||

ಹೃದಯವಿದ್ದವರು ಮಿಡಿತಕ್ಕೆ ಕಾರಣ ಹುಡುಕಿಕೊಳ್ಳಬೇಕಿತ್ತು
ಪ್ರತಿ ಜೀವವೂ ಗರಬಡಿದ ನಿರ್ಜೀವ ಕಲ್ಲಂತೆ ಅದೇಕಾಯ್ತು

||ಎದೆಯೊಳಗುರಿತ, ಕಂಗಳಲ್ಲಿ ಚಂಡಮಾರುತದಂತಿಹುದೇಕೆ
ಈ ನಗರದ ಪ್ರತಿ ವ್ಯಕ್ತಿಯೂ ಗೊಂದಲಮಯನಾಗಿಹನದೇಕೆ||

ಸ್ನೇಹಿತರೇ, ಹೇಳಿ ಏಕಾಂತದ ಈ ತಾಣ ಯಾವುದಿಹುದು
ನನ್ನ ದೃಷ್ಟಿ ಹೋದೆಡೆಯೆಲ್ಲಾ ಅದೇಕೆ ನಿರ್ಜನವಾಗಿಹುದು

||ಎದೆಯೊಳಗುರಿತ, ಕಂಗಳಲ್ಲಿ ಚಂಡಮಾರುತದಂತಿಹುದೇಕೆ
ಈ ನಗರದ ಪ್ರತಿ ವ್ಯಕ್ತಿಯೂ ಗೊಂದಲಮಯನಾಗಿಹನದೇಕೆ||

ನನ್ನಲ್ಲಿ ಇಂದು ಏನಾದರೂ ಹೊಸತನವು ಕಂಡುಬರುತಿಹುದೇ
ನನ್ನನ್ನು ಕಂಡ ಕನ್ನಡಿಯೂ ಅದೇಕೆ ಈ ಪರಿ ಸುಸ್ತಾದಂತಿದೆ

||ಎದೆಯೊಳಗುರಿತ, ಕಂಗಳಲ್ಲಿ ಚಂಡಮಾರುತದಂತಿಹುದೇಕೆ
ಈ ನಗರದ ಪ್ರತಿ ವ್ಯಕ್ತಿಯೂ ಗೊಂದಲಮಯನಾಗಿಹನದೇಕೆ||
****************************

ಇದೂ ಒಂದು ಹಿಂದೀ ಚಲನ ಚಿತ್ರ ಗೀತೆಯ ಭಾವಾನುವಾದ.

ಚಿತ್ರ: ಗಮನ್
ಸಂಗೀತ: ಜಯದೇವ್
ಗಾಯಕರು: ಸುರೇಶ್ ವಾಡೇಕರ್

ಮೂಲ ಗೀತೆ:

ಸೀನೇ ಮೆ ಜಲನ್ ಆಂಖೋಂ ಮೆ ತೂಫಾನ್ ಸಾ ಕ್ಯೋಂ ಹೈ
ಇಸ್ ಶಹರ್ ಮೆ ಹರ್ ಶಕ್ಸ್ ಪರೇಶಾನ್ ಸಾ ಕ್ಯೋಂ ಹೈ

ದಿಲ್ ಹೈ ತೊ ದಢಕ್ ನೇ ಕಾ ಬಹಾನಾ ಕೋಯೀ ಡೂಂಡೇ
ಪತ್ಥರ್ ಕಿ ತರಹ್ ಬೇಹಿಸಾ ಬೇಜಾನ್ ಸಾ ಕ್ಯೋಂ ಹೈ

ತನ್ ಹಾಯಿ ಕೀ ಏ ಕೌನ್ ಸಾ ಮಂಜಿಲ್ ಹೈ ರಫೀಕೋಂ
ತಹದ್ದೇ ನಝರ್ ಏಕ್ ಬಯಾಬಾನ್ ಸಾ ಕ್ಯೋಂ ಹೈ

ಕ್ಯಾ ಕೋಯೀ ನಯೀ ಬಾತ್ ನಝರ್ ಆತೀ ಹೈ ಹಮ್ ಮೆ
ಆಯಿನಾ ಹಮೇ ದೇಖ್ ಕೆ ಹೈರಾನ್ ಸಾ ಕ್ಯೋಂ ಹೈ

********************************


ಎಲ್ಲವೂ ರೂಢಿಯಾಗುತ್ತಿದೆ…!

14 ಡಿಸೆ 10

ಎಲ್ಲವೂ ರೂಢಿಯಾಗುತ್ತದೆ
ಇಂದಿನ ತನಕ ಏನೂ ಅಲ್ಲದ್ದು ನಾಳೆ ಜೀವಕ್ಕಿಂತ ಹೆಚ್ಚಾಗುತ್ತದೆ
ಇಂದಿನ ತನಕ ಜೀವವೇ ಆಗಿದ್ದದ್ದು ನಾಳೆ ಬರಿಯ ನೆನಪಾಗಿ ಉಳಿದು ಬಿಡುತ್ತದೆ

ಎಲ್ಲವೂ ರೂಢಿಯಾಗುತ್ತಿದೆ
ಜೊತೆಜೊತೆಗೆ ನಡೆದಿದ್ದ ಹಾದಿಯಲ್ಲೀಗ ಒಂಟಿಯಾಗಿ ಸಾಗಬೇಕಿದೆ
ದಿನವೆಲ್ಲಾ ಮಾತನಾಡುತ್ತಿದ್ದ ನಾವೀಗ ಮೌನಕ್ಕೆ ಶರಣಾಗಿ ಸುಮ್ಮನಿರಬೇಕಾಗಿದೆ

ಎಲ್ಲವೂ ರೂಢಿಯಾಗುತ್ತಿದೆ
ಬಿಟ್ಟು ಬದುಕುವುದೇ ಕಷ್ಟ ಎಂದೆಣಿಸಿದ್ದ ನಾವೂ ದೂರವಾಗಿರಬೇಕಾಗಿದೆ
ನೆನಪುಗಳು ನೋವಾಗಿ ಕಾಡುತ್ತಿದ್ದರೂ, ಆ ನೋವಿನೊಂದಿಗೇ ಬಾಳಬೇಕಾಗಿದೆ

ಎಲ್ಲವೂ ರೂಢಿಯಾಗುತ್ತಿದೆ
ಹೃದಯವನ್ನು ಕಲ್ಲಾಗಿಸಿ ಬಾಳುವುದೂ ನಮಗೀಗ ರೂಢಿಯಾಗುತ್ತಿದೆ
ಸಂಬಂಧಗಳ ಮೇಲಿನ ನಂಬಿಕೆಯ ತೊರೆದು ಬಾಳುವುದೂ ನಮಗೀಗ ರೂಢಿಯಾಗುತ್ತಿದೆ

ಎಲ್ಲವೂ ರೂಢಿಯಾಗುತ್ತಿದೆ
ಬದಲಾವಣೆಯೇ ಜಗದ ನಿಯಮ ಎಂಬ ಮಾತೆಮಗೆ ರೂಢಿಯಾಗುತ್ತಿದೆ
ಹೊಸ ಹೊಸತರ ನಡುವೆ ಹಳೆಯದನ್ನು ಕಳೆದುಕೊಳ್ಳುವುದೂ ನಮಗೀಗ ರೂಢಿಯಾಗುತ್ತಿದೆ

ಎಲ್ಲವೂ ರೂಢಿಯಾಗುತ್ತಿದೆ
ಏನೂ ಇಲ್ಲದ ಬಾಳಿನಲಿ ಬಂದ ನೀನೇ ನನ್ನ ಜೀವನವಾಗಿದ್ದಿದೆ
ಜೊತೆ ಇಲ್ಲದಿದ್ದರೂ ಒಬ್ಬರೊಳಗೊಬ್ಬರು ಇರುವೆವೆಂಬ ಭ್ರಮೆಯೊಂದಿಗೀ ಜೀವನ ಸಾಗುತ್ತಿದೆ
**************


ತನು ಚಂದನವು, ಚಂಚಲ ಮನವು…!

30 ನವೆಂ 10

ಇನ್ನೊಂದು ಬಹುಪ್ರಸಿದ್ಧ ಹಿಂದೀ ಚಲನಚಿತ್ರಗೀತೆಯ ಭಾವಾನುವಾದದ ಪ್ರಯತ್ನ ಇಲ್ಲಿದೆ:

ಚಿತ್ರ: ಸರಸ್ವತೀ ಚಂದ್ರ
ಗಾಯಕರು: ಮುಕೇಶ್

ತನು ಚಂದನವು, ಚಂಚಲ ಮನವು
ಬಲುಮೋಹಕ ನಿನ್ನೀ ಮುಗುಳ್ನಗು
ದೋಷಿ ನಾನೆಂದು ಹಳಿಯದಿರಿ
ನಾನಾದರೆ ಹುಚ್ಚ, ಪ್ರೀತಿಯಲಿ

ನಿನ್ನ ಹುಬ್ಬು ಕಾಮನಬಿಲ್ಲಂತೆ
ರೆಪ್ಪೆಗಳಂಚಿನಲಿ ಕಾಡಿಗೆಯಂತೆ
ಹಣೆಯ ಕುಂಕುಮ ಸವಿತಾರೂಪ
ನಿನ್ನ ತುಟಿಗಳಲಿ ಈ ಬಿಸಿ ತಾಪ
ನಿನ್ನ ನೆರಳು ಸೋಕಿದರೆ ಸಾಕು 
ಬರಡಾಗಿಹ ಹೃದಯ ಅರಳುವುದು

||ತನು ಚಂದನವು ಚಂಚಲ ಮನವು||

ತನು ಸುಂದರ ಮನವೂ ಸುಂದರ
ನೀನೇ ಸೌಂದರ್ಯದ ಮೂರುತಿಯು
ಇನ್ನಾರಿಗೂ ನೀನು ಬೇಡಾದರೂ
ನನಗಿದೆ ನಿನ್ನಯ ಬಲು ಹಂಬಲವು
ಈ ಮೊದಲೇ ಪರಿ ಪರಿ ನೊಂದಿಹುದು
ನೀನೂ ನೋಯಿಸದಿರೀ  ಮನವನ್ನು

||ತನು ಚಂದನವು ಚಂಚಲ ಮನವು||
*****************

 

ಮೂಲ ಹಿಂದೀ ಸಾಹಿತ್ಯ:

Chandan Saa Badan Chanchal Chitawan
dheere Se Teraa Ye Musakaanaa
muze Dosh Naa Denaa Jagawaalon
ho Jaaoo Agar Main Deewaanaa

ye Kaam Kamaan Bhawe Teree
palako Ke Kinaare Kajaraare
maathepar Sindooree Suraj
hothhon Pe Dahakate Angaare
saayaa Bhee Jo Teraa Pad Jaaye
aabaad Ho Dil Kaa Wiraanaa

tan Bhee Sundar, Man Bhee Sundar
too Sundarataa Kee Murat Hai
kisee Aaur Ko Shaayad Kam Hogee
muze Teree Bahot Jarurat Hai
pahale Bhee Bahot Dil Tarasaa Hai
too Aaur Naa Dil Ko Tarasaanaa


ಏಕೆ ಸಿಕ್ಕೀತು ನನಗಿಂದು?!

17 ಆಗಸ್ಟ್ 10

ಎಂದೋ
ಗೀಚಿ
ಮರೆತಿದ್ದ,
ಕವಿತೆಯೊಂದು
ಕನಸಿನಲಿ ಬಂದು,
ನನಗೂ ಪ್ರಕಾಶ
ನೀಡು ಎಂದು,
ಕಾಡಿತು
ಬೇಡಿತು ಇಂದು;

ನಿದ್ದೆಯಿಂದೆದ್ದು
ಹುಡುಕಾಡಿದೆ,
ತಡಕಾಡಿದೆ,
ಎಲ್ಲಾ ಪುಸ್ತಕಗಳ
ಕೊಡವಿದೆ,
ಎಲ್ಲೂ ಸಿಗಲಿಲ್ಲ;

ಹೇಗೆ
ಸಿಕ್ಕೀತು?
ಏಕೆ
ಸಿಕ್ಕೀತು?

ಯೌವನದ
ದಿನಗಳಲಿ,
ಚಿಗುರುಮೀಸೆಯ
ಹುಡುಗನ,
ಹೃದಯ
ಬಡಿತವ
ಹೆಚ್ಚಿಸಿ,
ರಾತ್ರಿಗಳಲಿ
ನಿದ್ದೆಯ
ಕೆಡಿಸಿ,
ಕನಸುಗಳ
ಮೂಡಿಸಿ,
ಅದೊಂದು
ದಿನ ಸದ್ದಿಲ್ಲದೇ,
ನೆನಪಿನಂಗಳದಿಂದ
ಮರೆಯಾದವಳು
ಅವಳು ಅಂದು,

ಅವಳ
ಬಟ್ಟಲು ಕಂಗಳ,
ಮುಂಗುರುಳುಗಳ,
ಮಧುರ ಮಾತುಗಳ,
ನೀಳ ಕೈಗಳ,
ಕೆಂಪು ತುಟಿಗಳ,
ಬಣ್ಣಿಸಿ ಬಣ್ಣಿಸಿ,
ಗೀಚಿದ್ದ
ಆ ಕವಿತೆ,
ಹೇಗೆ
ಸಿಕ್ಕೀತು
ಏಕೆ
ಸಿಕ್ಕೀತು
ನನಗಿಂದು?
*****