ಇರಬಹುದೇ ಇದು ಪಂಜುರ್ಲಿ ಕಾಟ..?!

12 ಆಗಸ್ಟ್ 09

ಪ್ರಾಣಿ ಜಾತಿ ಮನುಜ ಕುಲದ ಮೇಲೆ ಹಗೆ ತೀರಿಸುವಂತಿದೆ
ಹಕ್ಕಿ ಜ್ವರ ಆಯ್ತು, ಈಗ ನೋಡಿದರೆ ಹಂದೀಜ್ವರ ಬಂದಿದೆ

ಸ್ವತಂತ್ರರಾಗಿ ಬದುಕಲು ಬಿಡದೆ ಹಿಡಿದು ತಿಂಬ ಮನುಜ
ಅದಕೆ ಈ ರೀತಿ ಸೇಡು ತೀರಿಸಿಕೊಳ್ಳುತ್ತಿರಬಹುದು ಸಹಜ

ಕೊಂದ ಪಾಪ ತಿಂದೂ ಪರಿಹಾರ ಆಗಿಲ್ಲದೇ ಇರಬಹುದು
ಸಸ್ಯಾಹಾರಿಗಳು ತಮ್ಮ ತಪ್ಪಿಲ್ಲದೇ ಅನುಭವಿಸಲುಬಹುದು

ಸಹವಾಸದಲಿ ಪರರ ಪಾಪ ಹಂಚಿಕೊಂಡು ಅನುಭವಿಸಬೇಕು
ಸಸ್ಯಾಹಾರಿಗಳಿಚ್ಛೆ ಇದರಿಂದ ಹೇಗಾದರೂ ಬಚಾವಾಗಬೇಕು

ಮನುಜನಿಗೂ ಪ್ರಕೃತಿಗೂ ನಡುವಿಹುದು ಸತತ ಪೈಪೋಟಿ
ಕಷ್ಟ ಅನುಭವಿಸಿದರೂ ಜಯಿಸುವೆನೆಂಬ ಮನುಜನೇ ಘಾಟಿ

ಎಲ್ಲದಕೂ ಉತ್ತರ ಹುಡುಕುವ ಜಾಣ್ಮೆ ಇರಬಹುದು ನಮ್ಮಲ್ಲಿ
ಆದರೂ ಅದಕೆ ಮೊದಲು ಕಾಣೆಯಾದರೆಷ್ಟು ಮಂದಿ ಜಗದಲ್ಲಿ

ಹಲವರು ಇನ್ನು ಅಂದರೂ ಅನಬಹುದು ಇದು ಪಂಜುರ್ಲಿ ಕಾಟ
ಪಂಜುರ್ಲಿ ಕೋಲದ ಹರಕೆ ಹೊತ್ತರೆ ಇರಲಾರದು ಈ ಸಂಕಟ
🙂

ಪಂಜುರ್ಲಿ: ತುಳುನಾಡಿನಲ್ಲಿ ಅರಾಧಿಸಲ್ಪಡುವ ಹಂದಿ ರೂಪದ ದೈವ.