ಪೀಠವನೇರಿ ಕೂತವರೆಲ್ಲಾ ಜ್ಞಾನಿಗಳಲ್ಲ!

20 ಸೆಪ್ಟೆಂ 11

 

ನಮ್ಮ ನಾಡಲ್ಲಿ ಪೀಠವನೇರಿ ಕೂತವರೆಲ್ಲಾ ಜ್ಞಾನಿಗಳಲ್ಲ
ಆದರೆ ಇಲ್ಲಿ ಜ್ಞಾನಪೀಠಿಗಳೆನಿಸಿಕೊಂಡವರು ಕಮ್ಮಿ ಇಲ್ಲ;

ಕೋಟಿಗೊಬ್ಬನಿಗೂ ಮೀರಿ ಜ್ಞಾನಪೀಠಿಗಳು ಈ ನಾಡಿನಲ್ಲಿ
ದೇಶದ ಅನುಪಾತಕ್ಕೂ ಮೀರಿಹುದು ನಮ್ಮ ಕರುನಾಡಿನಲ್ಲಿ;

ಲೇಖನಿ ಹಿಡಿದವರೇ ಸರ್ವಕಾಲಕ್ಕೂ ಇಲ್ಲಿ ಬಹುಮಾನಿತರು
ಅಧಿಕಾರದ ಗದ್ದುಗೆಯೇರಿದವರು ಈಗ ಜೈಲು ಸೇರುತಿಹರು

ಜ್ಞಾನ ಹೊಂದಿರುವವರು ಅನ್ಯರಿಗದನು ಹಂಚಿ ಸುಖಿಸುವರು
ಜ್ಞಾನ ಪಡೆದವರು ನಿಸ್ವಾರ್ಥದಿ ದಾನಿಯ ಮನದಿ ಹರಸುವರು

ಹಂಚಿದ ಆಹಾರ, ಅರ್ಥವೆಲ್ಲಾ ಒಂದು ದಿನ ಕರಗಿ ಹೋಗುವುದು
ಜ್ಞಾನವು ಕರಗದೆ ಬೆಳೆದು ಮುಂದೆ ಮುಂದೆ ಸಾಗುತ್ತಲಿರುವುದು

ಜ್ಞಾನಪೀಠ ಪ್ರಶಸ್ತಿಗೆ ಪುರಸ್ಕೃತರು ಡಾ. ಚಂದ್ರಶೇಖರ ಕಂಬಾರ
ಎಂಟು ಪ್ರಶಸ್ತಿಗಳಿಂದಾಗಿ ಕನ್ನಡವೀಗ ಮಿಕ್ಕೆಲ್ಲಕ್ಕಿಂತ ನಿಜದಿ ಭಾರ!
*****