ಕಾಡದಿರಲಿ ಭೂತ ಭವಿಷ್ಯದ ಚಿಂತೆ!

16 ಏಪ್ರಿಲ್ 10

 
ಆ ಸೂರ್ಯ ಮರೆಯಾದ ಪಡುವಣದ ಕಡಲಲ್ಲಿ

 ನಾನಿಲ್ಲಿ ಸೆರೆಯಾದೆ ನಿನ್ನೀ ಬಾಹು ಬಂಧನದಲ್ಲಿ

 

ನಮ್ಮದೇ ಲೋಕದಲ್ಲಿ ಒಂದಾಗಿ ವಿಹರಿಸೋಣ ಬಾ

ದಿನದ ನೋವುಗಳನ್ನೆಲ್ಲಾ ನಾವು ಮರೆಯೋಣ ಬಾ

 

ಕೊಂಡೊಯ್ಯಲಿ ನಮ್ಮನ್ನುಂತ್ತುಂಗಕ್ಕೆ ಸುಖದ ಮತ್ತೇರಿ

ನೋಡುತ್ತಿರು ಬೀಳದಂತೆ ನಿನ್ನ ತೆಕ್ಕೆಯಿಂದ ನಾ ಜಾರಿ

 

ಹುಣ್ಣಿಮೆಯ ಚಂದಿರನು ನಗುವಂತೆ ಆ ಬಾನಂಗಳದಲ್ಲಿ

ತುಂಬಿ ತುಳುಕುತ್ತಿರಲಿ ನಲಿವು ನಮ್ಮೀ ಮನದಂಗಣದಲ್ಲಿ

 

ಮೂಡಣದಿ ನಾಳೆ ಮತ್ತೆ ಮೇಲೇರಿ ಬಂದಾಗ ಆ ನೇಸರ

ಕಾಯಕದ ಮೇಲೆ ನಾ ಹೊರಟರೆ ಪಡಬೇಡ ನೀ ಬೇಸರ

 

ಎಂದಿಗೂ ಸಾಗುತ್ತಿರಲಿ ನಮ್ಮ ಜೀವನ ಚಕ್ರ ಇಂತೆಯೇ

ನಮ್ಮನೆಂದಿಗೂ ಕಾಡದಿರಲಿ  ಭೂತ ಭವಿಷ್ಯದ ಚಿಂತೆಯೇ

*****