ಕೊಲೆ ಸುಲಿಗೆಗಳ ಉದಾಹರಣೆ ನೀಡಿದ್ದರೆ ಮೆಚ್ಚಬಹುದಿತ್ತು!!!

15 ಸೆಪ್ಟೆಂ 09

ಕಾನೂನು ವ್ಯವಸ್ಥೆ ಹದಗೆಟ್ಟಿದೆ ಎಂಬ ಛೀಮಾರಿ ಇಲ್ಲಿ

ಕಾನೂನು ಸುವ್ಯವಸ್ಥೆ ಕಾಪಾಡಿದುದಕ್ಕಾಗಿ ಪ್ರಶಸ್ತಿ ಅಲ್ಲಿ

 

ಬೆಂಗಳೂರಲ್ಲಿ ಕೊಲೆಯಾದ ಒಂಟಿ ಮಹಿಳೆಯರದೆಷ್ಟೋ

ಮಂದಿರಗಳಲ್ಲಿ ಘಾಸಿಯಾದ ನಿರ್ಜೀವ ಮೂರ್ತಿಗಳೆಷ್ಟೋ

 

ಜೀವವನೇ ಕಳೆದುಕೊಂಡವರಿಗೆ ಯಾರೂ ಮರುಗುವುದಿಲ್ಲ

ಮೂರ್ತಿ ಘಾಸಿಗೊಂಡಾಗ ಮಾತ್ರ ಸುಮ್ಮನೇ ಇರವುದಿಲ್ಲ

 

ಜೀವದೊಳಗಣ ಆತ್ಮಕ್ಕೆ ಎಳ್ಳಷ್ಟೂ ಬೆಲೆ ಕೊಡುವವರು ಇಲ್ಲ

ಮೂರ್ತಿಯೊಳಗಣ ಪರಮಾತ್ಮನಿಗಾಗಿ ಪರದಾಟವೇ ಎಲ್ಲ

 

ಮನುಜನ ಗುರುತು ಇಹುದು ಚುನಾವಣೆ ಬಂದಾಗ ಮಾತ್ರ

ಮಿಕ್ಕೆಲ್ಲ ದಿನಗಳಲಿ ಇವರಿಗೆ ಧರ್ಮ ದೇವರುಗಳದೇ ಮಂತ್ರ

 

ಕೊಲೆ ಸುಲಿಗೆಗಳ ಉದಾಹರಣೆ ನೀಡಿದ್ದರೆ ಮೆಚ್ಚಬಹುದಿತ್ತು

ಬರೀ ಘಾಸಿಗೊಂಡ ಮೂರ್ತಿಗಳ ಲೆಕ್ಕ ಕೊಡುವಗತ್ಯ ಏನಿತ್ತು

 

ದಿನ ಬೆಳಗಾದರೆ ಸದನದಲಿ ನಡೆಯುತಿಹುದು ದೊಂಬರಾಟ

ಜನರ ಮರೆತು ಮಾತಿನಲಿ ಪರಸ್ಪರರ ಗೆದ್ದು ಸೋಲಿಸುವಾಟ