ಕನಸಲ್ಲಿ ವಾಸ್ತವ!

01 ಸೆಪ್ಟೆಂ 12

ಸಖೀ,
ರಾತ್ರಿಯೆಲ್ಲಾ
ನಿನ್ನ 
ಕನವರಿಕೆಯಲ್ಲೇ
ಕಳೆದು, 
ಬೆಳಗಾಗಲೆದ್ದು
ಕೂತಾಗ,

ಬಳಿಯಲ್ಲಿ 
ಕೂತು 
ನಗುತ್ತಿದ್ದ 
ನಿನ್ನನ್ನು 
ಕಂಡಾಗ
ಅನಿಸಿತು:
“ನಮ್ಮ
ಜೀವನವೇ 
ಹೀಗೆ,
ವಾಸ್ತವವನ್ನು
ಕನಸಿನಲ್ಲಿ
ಹಾಗೂ
ಕನಸನ್ನು
ವಾಸ್ತವದಲ್ಲಿ
ತಡಕುತ್ತಾ
ಹುಡುಕುತ್ತಾ
ಇರುತ್ತೇವೆ
ನಾವು!”


ಕನಸು – ಮನಸು!

26 ಮೇ 12

ನಾವು ಕಾಣುವ ಕನಸು
ಕನಸಾಗಿದ್ದರೇ ಚೆನ್ನ
ಕನಸು ನನಸಾದ ದಿನ
ಕಳೆದುಕೊಂಡೀತು 
ಕನಸು ತನ್ನ ಅಸ್ತಿತ್ವ; 

ನಮ್ಮೊಳಗಿನ ಮನಸ್ಸು
ಮಗುವಾಗಿದ್ದರೇ ಚೆನ್ನ
ಬೆಳೆಯಲು ಬಿಟ್ಟರೆ
ಕಳೆದುಕೊಂಡೀತು
ಗಡುಸಾಗಿ ತನ್ನ ಮೃದುತ್ವ!
**************


ಪ್ರೀತಿ!

26 ಮೇ 12

ಪ್ರೀತಿ ಎಂದರೆ
ಬರೀ ಕನಸೆಂಬವರು
ಇಲ್ಲಿ ಕೆಲವರು

ಬರೀ ಕನಸಿನಲ್ಲಿಯೇ
ಪ್ರೀತಿಯ ಕಂಡವರು
ಇನ್ನು ಕೆಲವರು

ಕನಸಿನ ಪ್ರೀತಿಯನ್ನು
ನನಸಲ್ಲಿ ಕಂಡವರು
ಇಲ್ಲಿ ಕೆಲವರು

ನನಸಿನ ಪ್ರೀತಿಯನ್ನು
ಕನಸಾಗದಂತೆ
ಕಾಯ್ದುಕೊಂಡವರು
ಇನ್ನು ಕೆಲವರು!
***********


ನೀನಾರು?

19 ಮೇ 12

ಎರಡು 
ತಿಂಗಳಿಂದೀಚೆಗೆ
ಪ್ರತಿ ರಾತ್ರಿ
ನನ್ನ ಕನಸ್ಸಿನಲ್ಲಿ
ನನ್ನ ಹಿಂಬದಿಯಿಂದ
ಬಂದು ನಿಂತು,
ನನ್ನ ಕಂಕುಳಡಿಯಿಂದ
ಕೈಹಾಕಿ ನನ್ನನ್ನು
ಅದೆತ್ತಲೋ
ಎಳೆದುಕೊಂಡು
ಹೋಗಲು ಯತ್ನಿಸುವ,
ನಾನು ಬಾಯ್ಬಿಟ್ಟು
ಬೊಬ್ಬಿಡುತ್ತಲೇ
ನನ್ನನ್ನು ನನ್ನ ಪಾಡಿಗೆ
ಬಿಟ್ಟು ಮರೆಯಾಗುವ
ನೀನಾರು…
ಒಮ್ಮೆಯಾದರೂ
ಮುಖ ತೋರಿಸಿ
ಹೇಳು, ನೀನಾರು??
*********** 


ಸ್ವಪ್ನ ಲೋಕದಲ್ಲೂ ಒಂಟಿ!

22 ಏಪ್ರಿಲ್ 12

ತಪ್ಪು ಒಪ್ಪುಗಳ ವಿಮರ್ಶೆಯಲ್ಲಿ ಜೀವನವೇ ಸವೆದುಹೋಯ್ತು
ತಪ್ಪಾದಾಗಲೂ ಒಪ್ಪಿಸಿಕೊಂಡು ಹೊಂದಾಣಿಕೆ ನಡೆಸಿದ್ದಾಯ್ತು

ಗಾಯಗೊಂಡ ಅಂಗಗಳಿಗೆ ಮುಲಾಮು ಹಚ್ಚಿ ನೋಡಿದ್ದಾಯ್ತು
ಕಳಚಿದ ಅಂಗಗಳು ದೇಹದ ಅಸ್ಥಿತ್ವವನ್ನೇ ಅಲುಗಿಸಿದಂತಾಯ್ತು

ದೇಹವಿದೆ, ಬರಿಯ ಉಸಿರಿದೆ, ಕೆಚ್ಚು, ಹುಮ್ಮಸ್ಸೆಲ್ಲಾ ನಾಶವಾಯ್ತು
ಯಾರೋ ಹಿರಿಯರು ತನ್ನೆಡೆಗೆ ಕರೆಯುತಿರುವಂತೆ ಭಾಸವಾಯ್ತು

ಕರೆದವರ ಸೇರುವ ಯತ್ನದಲ್ಲಿ ಇತ್ತಲಿನ ಸಂಪರ್ಕ ಕಡಿದುಹೋಯ್ತು
ದಾರಿಯದ್ದಕ್ಕೂ ಒಮ್ಮೆಗೇ ಕತ್ತಲು ಕವಿದು ತಲೆ ಸುತ್ತಿ ಬಂದಂತಾಯ್ತು

ಸಾವರಿಸಿಕೊಂಡೆದ್ದು ಕಣ್ಣು ಹಾಯಿಸಿದಾಗ ಒಂಟಿತನದನುಭವವಾಯ್ತು
ರಾತ್ರಿ ಬೆಳಗಾಗುವುದರೊಳಗೆ ಲೋಕವೆಲ್ಲಾ ಸುತ್ತಾಟವಾದಂತಾಯ್ತು

ಕನಸು ಸತ್ಯದ ಮಾತಲ್ಲವಾದರೂ ಈ ಮನವನ್ನು ಕಲಕಿ ಇಟ್ಟಂತಾಯ್ತು
ಎಚ್ಚರಿಸಿದೆ ನನ್ನನ್ನು ಸ್ವಪ್ನ ಲೋಕದಲ್ಲೂ ನಾನು ಒಂಟಿ ಎಂಬ ಮಾತು!!
**************************************


ಕನಸುಗಳು!

16 ಸೆಪ್ಟೆಂ 11

 

ನಮ್ಮ ಸುಪ್ತ ಮನಸ್ಸಿನ
ಒಂಟಿ ಯಾತ್ರೆಯದು
ನಿದ್ದೆಯಲ್ಲಿ ಕಾಡೋ ಕನಸು,

ಜಾಗೃತ ಮನಸ್ಸಿನ
ಒಂಟಿ ಯಾತ್ರೆಯದು
ನಮ್ಮೆಲ್ಲಾ ಹಗಲುಗನಸು,

ನಿದ್ದೆಯ ಕನಸುಗಳು
ಕಂಡು, ನಲಿದು – ಬೆದರಿ,
ಮತ್ತೆ ಮರೆಯುವುದಕ್ಕಾಗಿ,

ಆ ಕನಸುಗಳೆಲ್ಲಾ
ಅಲ್ಲವೇ ಅಲ್ಲ ಅವುಗಳ
ಆಳಕ್ಕಿಳಿದು ಅರಿಯಲಿಕ್ಕಾಗಿ,

ಹಗಲುಗನಸುಗಳು
ನಮಗೆ ಸಹಕಾರಿ
ನಮ್ಮ ಭವ್ಯ ಭವಿಷ್ಯವನ್ನು
ರೂಪಿಸಿಕೊಳ್ಳುವುದಕ್ಕೆ,

ತಯಾರಾಗಿರಬೇಕು
ನಾವು ಸದಾಕಾಲ
ಕೆಚ್ಚೆದೆಯಿಂದ ಅವುಗಳನ್ನು
ನನಸಾಗಿಸುವುದಕ್ಕೆ!
****


ನನ್ನೀ ಬಾಳು ಖಾಲಿ ಹಾಳೆ…!

20 ಡಿಸೆ 10

ಹಿಂದೀ ಚಿತ್ರಗೀತೆಯೊಂದರ ಭಾವಾನುವಾದದ ಪ್ರಯತ್ನ:

ನನ್ನೀ ಬಾಳು ಖಾಲಿ ಹಾಳೆ
ಖಾಲಿಯಾಗೇ ಉಳಿದಿದೆ
ಬರೆದದ್ದೆಲ್ಲಾ…
ಬರೆದದ್ದೆಲ್ಲಾ…
ಕಣ್ಣೀರಿನ…
ಜೊತೆಗೇ ಹರಿದಿದೆ!

ಒಮ್ಮೆ ಗಾಳಿ ಬೀಸಿದಾಗ…
ಒಮ್ಮೆ ಗಾಳಿ ಬೀಸಿದಾಗ…
ಬಿದ್ದು ಹೋಯಿತು ಹೂ…
ಬಿದ್ದು ಹೋಯಿತು ಹೂ…
ಗಾಳಿಯದ್ದಲ್ಲಾ…
ಹೂದೋಟದ್ದಲ್ಲಾ…
ಯಾರದ್ದಿತ್ತೀ ತಪ್ಪು…
ಯಾರದ್ದಿತ್ತೀ ತಪ್ಪು…
ಗಾಳಿಯಲ್ಲಿ…
ಗಾಳಿಯಲ್ಲಿ…
ಗಂಧ ಬೆರೆತು ಉಳಿಯಲಿಲ್ಲ ಏನೂ

ನನ್ನೀ ಬಾಳು ಖಾಲಿ ಹಾಳೆ
ಖಾಲಿಯಾಗೇ ಉಳಿದಿದೆ
ಬರೆದದ್ದೆಲ್ಲಾ…
ಬರೆದದ್ದೆಲ್ಲಾ…
ಕಣ್ಣೀರಿನ…
ಜೊತೆಗೇ ಹರಿದಿದೆ!

ಹಾರೋ ಹಕ್ಕಿಗೆ ಮನೆಯೆಲ್ಲಿದೆ…
ಹಾರೋ ಹಕ್ಕಿಗೆ ಮನೆಯೆಲ್ಲಿದೆ…
ನನಗೂ ಇಲ್ಲ ಮನೆ…
ನನಗೂ ಇಲ್ಲ ಮನೆ…
ಊರುಕೇರಿ ಒಂದೂ ಇಲ್ಲ…
ಹೋಗಲೆಲ್ಲಿಗೆ ನಾ…
ಹೋಗಲೆಲ್ಲಿಗೆ ನಾ…
ಕನಸಿನಂತೆ…
ಕನಸಿನಂತೆ…
ನನ್ನ ಸಖಿಯ ಬಳಿಯೆ ಉಳಿದೆ ನಾ…

ನನ್ನೀ ಬಾಳು ಖಾಲಿ ಹಾಳೆ
ಖಾಲಿಯಾಗೇ ಉಳಿದಿದೆ
ಬರೆದದ್ದೆಲ್ಲಾ…
ಬರೆದದ್ದೆಲ್ಲಾ…
ಕಣ್ಣೀರಿನ…
ಜೊತೆಗೇ ಹರಿದಿದೆ!
*********

ಮೂಲ ಗೀತೆಯ ಗಾಯಕರು: ಕಿಶೋರ್ ಕುಮಾರ್

ಮೂಲ ಗೀತೆ:

ಮೇರಾ ಜೀವನ ಕೋರ ಕಾಗಜ್ ಕೋರಾ ಹೀ ರೆಹ್ ಗಯಾ
ಮೇರಾ ಜೀವನ ಕೋರ ಕಾಗಜ್ ಕೋರಾ ಹೀ ರೆಹ್ ಗಯಾ
ಜೋ ಲಿಖಾತಾ ಆಂಸೂವೋಂ ಕೇ ಸಂಗ್ ಬೆಹ್ ಗಯಾ
ಮೇರಾ ಜೀವನ ಕೋರ ಕಾಗಜ್ ಕೋರಾ ಹೀ ರೆಹ್ ಗಯಾ

ಎಕ್ ಹವಾ ಕಾ ಝೋಕಾ ಆಯಾ
ಎಕ್ ಹವಾ ಕಾ ಝೋಕಾ ಆಯಾ,
ಟೂಟಾ ಡಾಲೀ ಸೇ ಫೂಲ್
ಟೂಟಾ ಡಾಲೀ ಸೇ ಫೂಲ್ನ ಪವನ್ ಕೀ ನ ಚಮನ್ ಕೀ
ಕಿಸಿ ಕೀ ಹೈ ಯೆಹ್ ಭೂಲ್
ಕಿಸಿ ಕೀ ಹೈ ಯೆಹ್ ಭೂಲ್
ಖೋ ಗಯೀ
ಖೋ ಗಯೀ ಖುಶ್‍ಬೂ ಹವಾ ಮೆ…
ಕುಚ್ ನ ರೆಹ್ ಗಯಾ

ಮೇರಾ ಜೀವನ ಕೋರ ಕಾಗಜ್ ಕೋರಾ ಹೀ ರೆಹ್ ಗಯಾ
ಜೋ ಲಿಖಾತಾ ಆಂಸೂವೋಂ ಕೇ ಸಂಗ್ ಬೆಹ್ ಗಯಾ

ಉಡ್‍ತೇ ಪಂಛೀ ಕಾ ಠಿಕಾನಾ
ಉಡ್‍ತೇ ಪಂಛೀ ಕಾ ಠಿಕಾನಾ
ಮೇರಾ ನ ಕೋಯೀ ಜಹಾಂ
ಮೇರಾ ನ ಕೋಯೀ ಜಹಾಂ
ನ ಡಗರ್ ಹೈ ನ ಖಬರ್ ಹೈ
ಜಾನಾ ಹೈ ಮುಝ್‍ಕೋ ಕಹಾಂ
ಜಾನಾ ಹೈ ಮುಝ್‍ಕೋ ಕಹಾಂ
ಬನ್‍ಕೇ ಸಪ್ನಾ ಬನ್‍ಕೇ ಸಪ್ನಾ
ಹಮ್‍ಸಫರ‍್ ಕಾ ಸಾಥ್ ರೆಹ್ ಗಯಾ

ಮೇರಾ ಜೀವನ ಕೋರ ಕಾಗಜ್ ಕೋರಾ ಹೀ ರೆಹ್ ಗಯಾ
ಜೋ ಲಿಖಾತಾ ಆಂಸೂವೋಂ ಕೇ ಸಂಗ್ ಬೆಹ್ ಗಯಾ
****************************


ಏಕೆ ಸಿಕ್ಕೀತು ನನಗಿಂದು?!

17 ಆಗಸ್ಟ್ 10

ಎಂದೋ
ಗೀಚಿ
ಮರೆತಿದ್ದ,
ಕವಿತೆಯೊಂದು
ಕನಸಿನಲಿ ಬಂದು,
ನನಗೂ ಪ್ರಕಾಶ
ನೀಡು ಎಂದು,
ಕಾಡಿತು
ಬೇಡಿತು ಇಂದು;

ನಿದ್ದೆಯಿಂದೆದ್ದು
ಹುಡುಕಾಡಿದೆ,
ತಡಕಾಡಿದೆ,
ಎಲ್ಲಾ ಪುಸ್ತಕಗಳ
ಕೊಡವಿದೆ,
ಎಲ್ಲೂ ಸಿಗಲಿಲ್ಲ;

ಹೇಗೆ
ಸಿಕ್ಕೀತು?
ಏಕೆ
ಸಿಕ್ಕೀತು?

ಯೌವನದ
ದಿನಗಳಲಿ,
ಚಿಗುರುಮೀಸೆಯ
ಹುಡುಗನ,
ಹೃದಯ
ಬಡಿತವ
ಹೆಚ್ಚಿಸಿ,
ರಾತ್ರಿಗಳಲಿ
ನಿದ್ದೆಯ
ಕೆಡಿಸಿ,
ಕನಸುಗಳ
ಮೂಡಿಸಿ,
ಅದೊಂದು
ದಿನ ಸದ್ದಿಲ್ಲದೇ,
ನೆನಪಿನಂಗಳದಿಂದ
ಮರೆಯಾದವಳು
ಅವಳು ಅಂದು,

ಅವಳ
ಬಟ್ಟಲು ಕಂಗಳ,
ಮುಂಗುರುಳುಗಳ,
ಮಧುರ ಮಾತುಗಳ,
ನೀಳ ಕೈಗಳ,
ಕೆಂಪು ತುಟಿಗಳ,
ಬಣ್ಣಿಸಿ ಬಣ್ಣಿಸಿ,
ಗೀಚಿದ್ದ
ಆ ಕವಿತೆ,
ಹೇಗೆ
ಸಿಕ್ಕೀತು
ಏಕೆ
ಸಿಕ್ಕೀತು
ನನಗಿಂದು?
*****


ಇನ್ಯಾರದೋ ಕನಸಿನಲ್ಲಿ ಬಂದರೆ…!!!

03 ನವೆಂ 09

ಸಖೀ,

ನೀನು

ಇನ್ಯಾರದೋ

ಕನಸಿನಲ್ಲಿ

ಬಂದರೆ

ನನಗೆ

ನಿಜವಾಗಿಯೂ

ಆಗದು

ಏನೂ

ತಳಮಳ;

 

ಆದರೆ,

ನಿನ್ನ

ಕನಸಿನಲ್ಲಿ

ಇನ್ಯಾರೋ

ಬಂದರೆ

ನಿಜಕ್ಕೂ

ಆಗಬಹುದು

ನನಗೆ

ಕಳವಳ!!!


ಒಲವೇ ನಮ್ಮ ಜೀವನ ಆಗಿದೆ!!!

08 ಸೆಪ್ಟೆಂ 09

 

ಮೌನವೇ ಮಾತಾಗಿದೆ
ಆ ಮಾತೇ ಒಲವಾಗಿದೆ
ಒಲವೇ ನಮ್ಮ ಜೀವನ ಆಗಿದೆ
 
ಮನಸು ಮನಸಾ ಅರಿತಾದ ಮೇಲೆ 
ಮಾತೇಕೆ ಬೇಕು ಹೇಳು
ಕಣ್ಣಲ್ಲೇ ಹೃದಯ ಮಾತಾಡುವಾಗ 
ಮಾತೇಕೆ ಬೇಕು ಹೇಳು
 
ಈ ನಿನ್ನ ಮೊಗವು ನಗುವಿಂದ ಅರಳಿ 
ಚೆಲ್ಲಿರಲು ಸುತ್ತ ಬೆಳಕು
ಆ ಬೆಳಕಿನಲ್ಲೆ ನಾ ಬಾಳ ಬಲ್ಲೆ  
ಬೇಡೆನಗೆ ರವಿಯ ಬೆಳಕು
 
ಮೌನವೇ ಮಾತಾಗಿದೆ
ಆ ಮಾತೇ ಒಲವಾಗಿದೆ
ಒಲವೇ ನಮ್ಮ ಜೀವನ ಆಗಿದೆ

 

ಕನಸೋ ನನಸೋ ಅರಿಯದೇ ನಾನು 
ನಿನ್ನಲ್ಲೇ ಕಳೆದು ಹೋದೆ
ನಿನ್ನಿಂದ ನಾನು ಹೊಸ ಹರುಷ ಕಂಡೆ  
ಹರುಷದಲೇ ಮುಳುಗಿ ಹೋದೆ
 
ನೀ ನನ್ನ ಕನಸು ನಾ ನಿನ್ನ ಕನಸು 
ನನಸಾಯಿತೆಲ್ಲಾ ಕನಸು
ದಿನ ರಾತ್ರಿಯೆಲ್ಲಾ ಕೇಳೋದೇ ಇಲ್ಲಾ 
ಬೇರೇನನಿನ್ನೀ ಮನಸು
 
ಮೌನವೇ ಮಾತಾಗಿದೆ
ಆ ಮಾತೇ ಒಲವಾಗಿದೆ
ಒಲವೇ ನಮ್ಮ ಜೀವನ ಆಗಿದೆ