ಬಿಜೆಪಿ ಸರಕಾರ ನಿರಾತಂಕವಾಗಿರಬೇಕೇ…?!

13 ಆಕ್ಟೋ 09

ರಾಜ್ಯದ ಬಿಜೆಪಿ ಸರಕಾರ ನಿರಾತಂಕವಾಗಿ

ನಡೆಯಬೇಕೆಂದಿದ್ದರೆ ಇನ್ನು ನಾಲ್ಕು ವರುಷ

ನನ್ನಲ್ಲಿ ಒಂದು ಯೋಜನೆ ಇದೆ ಕೇಳಿ ಅದು

ನಿಮಗೆಲ್ಲರಿಗೂ ನೀಡಬಹುದೇನೋ ಹರುಷ

 

ಉಗ್ರಪ್ಪ, ಸಿದ್ಧರಾಮಯ್ಯ, ಡಿಕೆ ಶಿವಕುಮಾರ

ಗೌಡರು, ಕುಮಾರಸ್ವಾಮಿ ಮತ್ತು ಆ ರೇವಣ್ಣ

ಈ ಷಡ್ವೈರಿಗಳನ್ನು ಸರಕಾರದ ಖರ್ಚಿನಲ್ಲೇ

ವಿದೇಶ ವಿಹಾರಕ್ಕೆ ಕಡ್ಡಾಯ ಕಳುಹಿಸಬೇಕಣ್ಣ

 

ಆ ಆರು ಮಂದಿಗೂ ಅಲ್ಲಿ ಯಾವ ಚಿಂತೆಯೂ

ಇಲ್ಲದೆ ನಾಲ್ಕು ವರುಷ ಪುಕ್ಕಟೆಯಾಗಿ ಗಮ್ಮತ್ತು

ರಾಜ್ಯದ ಖಜಾನೆ ಸ್ವಲ್ಪ ಖಾಲಿ ಆದೀತಾದರೂ

ಜನತೆಯ ನೆಮ್ಮದಿಗೆ ಕಿಂಚಿತ್ತೂ ಬಾರದು ಕುತ್ತು

 

ಮುಂದಿನ ಚುನಾನಾವಣೆಯ ಸಮಯ ಎಲ್ಲರೂ

ಮರಳಿ ಬಂದರಾಯ್ತು ಅದೃಷ್ಟ ಪರೀಕ್ಷಿಸುವುದಕೆ

ಚುನಾವಣೆಯಲ್ಲಿ ಪರಸ್ಪರರ ಮೇಲೆ ಕೆಸರೆರಚಿ

ಯಾರು ಪರಿಶುದ್ಧರೆಂದು ಅರಿತು ಕೊಳ್ಳುವುದಕ್ಕೆ

 

ಅಭಿವೃದ್ದಿ ತೊರಿಸಿದ್ದರೆ ಯಡ್ಡಿಗೆ ಜನರು ಮತ್ತೆ

ಮತ ನೀಡಿ ಅಧಿಕಾರಕ್ಕೇರಿಸಿ ಕೂರಿಸಬಹುದು

ಸೋತರೆ ಶೋಭಾಹೀನರಾಗದೆ ಗದ್ದುಗೆ ಬಿಟ್ಟು

ರಜೆಯಲ್ಲಿ ತಾವೂ ವಿಹಾರಕ್ಕೆ ತೆರಳಿಬಿಡಬಹುದು