ಅಗತ್ಯ ಮತ್ತು ಅನಿವಾರ್ಯತೆಗಳೇ ನಿರ್ಧರಿಸಲಿ ಕನ್ನಡದ ಬೆಳವಣಿಗೆಯನ್ನು!!!

15 ಡಿಸೆ 09

 

 

ಕೆಲವಾರು ಅಂಗ್ಲಪದಗಳು ಕನ್ನಡವೇನೋ ಎಂದನಿಸುವಷ್ಟು ಹತ್ತಿರ

ಇನ್ನು ಕೆಲವು ಕನ್ನಡ ಪದಗಳು ಉಚ್ಛರಿಸಲೇ ಆಗದಂತಿವೆ ಭಯಂಕರ

 

ಪರರಿಗೆ ಅರ್ಥವಾಗುವ ಭಾಷೆಯೇ ಇರಬೇಕು ನಮ್ಮ ಸಂಭಾಷಣೆಯಲ್ಲಿ

ಸೋತಂತೆ, ನಾವು ಮಾತನಾಡಿದಾಗ ಅರ್ಥವಾಗದಂತಹ ಭಾಷೆಯಲ್ಲಿ

 

ಕನ್ನಡದಲಿ ಅನ್ಯಭಾಷಾ ಪದಗಳೇ ಬೇಡ ಎಂಬ ಮಡಿವಂತಿಕೆ ಬೇಕಿಲ್ಲ

ಆದರೆ ಎಲ್ಲಾ ಆಂಗ್ಲ ಪದಗಳನ್ನೂ ಕಂಗ್ಲೀಷಿಕರಿಸ ಬೇಕೆಂದೇನೂ ಇಲ್ಲ

 

ಅಭಿಯಂತರ ಇಂಜಿನೀಯರ್ ಆಗಿ ಉಳಿದರೆ ನಿಜಕ್ಕೂ ಎರಡು ಮಾತಿಲ್ಲ

ಆದರೆ ಗುತ್ತಿಗೆದಾರ  ಕಂಟ್ರಾಕ್ಟರ್ ಆಗಿಯೇ ಉಳೀಬೇಕಾದ ಅಗತ್ಯ ಇಲ್ಲ

 

ಆಂಗ್ಲ ಪರಭಾಷಾ ಪದಗಳಿಂದ ಸಂಪದ್ಭರಿತವಾಗಿರುವ ಮಾತಂತಿರಲಿ

ತನ್ನತನವನ್ನೇ ಕಳೆದುಕೊಂಡು ಪಡೆವ ಸಂಪತ್ತು ನಿಜದಿ ದೂರವಿರಲಿ

 

ಇಂತಹ ಸೂಕ್ಷ್ಮಾತಿಸೂಕ್ಷ್ಮ ಸಂಗತಿಗಳನ್ನು ಗಮನದಲ್ಲಿ ಇಟ್ಟುಕೊಳ್ಳಬೇಕು

ಕನ್ನಡವನ್ನು ಸಾರಾಸಗಟಾಗಿ ಆಂಗ್ಲಕ್ಕಡವಿಡದಂತೆ ನೋಡಿಕೊಳ್ಳಬೇಕು

 

ಅಗತ್ಯ ಮತ್ತು ಅನಿವಾರ್ಯತೆಗಳೇ ನಿರ್ಧರಿಸಲಿ ಕನ್ನಡದ ಬೆಳವಣಿಗೆಯನ್ನು

ಒಟ್ಟಾರೆ ತಂದು ಸೇರಿಸದಿರೋಣ ಕನ್ನಡದಲಿ ಕನ್ನಡೇತರ ಭಾಷಾಪದಗಳನ್ನು


ಕುಡುಕರಿಗಷ್ಟೇ ಅರ್ಥ ಆಗ್ಬೇಕು…!!!

29 ಏಪ್ರಿಲ್ 09
asu010
ಮೊನ್ನೆ ಚುನಾವಣೆಯ ಹಿಂದಿನ ದಿನ ದೊಮ್ಮಲೂರಿನ ಒಳ ವರ್ತುಲ ರಸ್ತೆಯಲ್ಲಿರುವ ಹೋಟೆಲೊಂದರಲ್ಲಿ ಕಂಡುಬಂದ ಸೂಚನಾಫಲಕ.
ಬಹುಶಃ ಈ ಫಲಕ ಬರೆಯುವವ ಬರೆಯುವಾಗಲೇ ಪಾನಮತ್ತನಾಗಿ ಬಿಟ್ಟಿದ್ದ ಅಂತ ಕಾಣುತ್ತೆ.
ಕನ್ನಡದಲ್ಲಿ ಬರೆಯಬಾರದಿತ್ತೇನೋ…
ಕೇಳಿದರೆ “ಹೌದು ಸಾರ್ ಸ್ವಲ್ಪ ಮಿಸ್ಟಿಕ್ ಆಗಿದೆ…ಓನ್ಲೀ ಟು ಡೇಸ್…ತಾನೇ …ಆಮೇಲೆ ಹೇಗಿದ್ದರೂ ರಿಮೂವ್ ಮಾಡ್ತೀವಿ…” ಅಂದರು.
ಆ ದೇವರೇ ಕಾಪಾಡಬೇಕು ಈ ಆಂಗ್ಲ ಭಾಷಾ ಪ್ರೇಮಿಗಳನ್ನು.
😀