ದೀವಾರೋಂ ಸೆ ಮಿಲ್ಕರ್ ರೋನಾ … !

 

ಈ ಗೋಡೆಗಳೊಂದಿಗೆ ಅಳುವುದೂ ಖುಷಿಕೊಡುತ್ತಿದೆ
ನಾನೂ ಹುಚ್ಚನಾಗುತ್ತಿರುವೆನೇನೋ ಎಂದನಿಸುತ್ತಿದೆ

ಜಗದೆಲ್ಲಾ ನೆನಪಿನ ದಂಡು ನನ್ನ ಭೇಟಿಗಾಗಿ ಬರುತ್ತದೆ
ಸಂಜೆಯಾದರೆ ಈ ಖಾಲಿಮನೆಯಲ್ಲಿ ಜಾತ್ರೆ ಸೇರುತ್ತದೆ

ಅದೆಷ್ಟು ದಿನಗಳಿಂದ ದಾಹವನ್ನು ತಡೆದುಕೊಂಡಿರಬಹುದು
ಅವರಿಗೆ ಮಂಜಿನ ಹನಿ ಹೊಳೆಯಂತೆ ಕಂಡುಬರುತಿಹುದು

ಯಾರ ಮೇಲೆ ಕಲ್ಲೆಸೆಯಲಿ ನಾನು ನನಗಿಲ್ಲಿ ಪರರು ಯಾರು
ಗಾಜಿನಮನೆಯೊಳಗಿರುವ ಪ್ರತಿಯೊಬ್ಬರೂ ಈಗ ನನ್ನವರು