ವಿಡಿಯೋಕಾನ್ ಇಲೆಕ್ಟ್ರಾನಿಕ್ಸ್ ನಿಂದ ಸುಳ್ಳು ಕೆಲಸದ ಆಮಿಷ – FAKE JOB OFFER BY VIDEOCON ELECTRONICS

15 ಆಕ್ಟೋ 10

ಸ್ನೇಹಿತರೇ,
ನನ್ನ ವಿಳಾಸಕ್ಕೆ ಮಿಂಚಂಚೆ ಮೂಲಕ ಹೀಗೊಂದು ಪತ್ರ ಬಂದಿದೆ.
ಇಂಥ ಸಂದೇಶಗಳು ನಿಮಗೂ ಬರಬಹುದು.
ಜಾಗರೂಕರಾಗಿರಿ.
ದಯವಿಟ್ಟು ಮೋಸ ಹೋಗಬೇಡಿ.

Friedns,
Appended below is the communication I have received through an email from a fake company called Videocon Electronics..
Some of you may also receive such comminucations.
Please do not respond and get fooled.

Dear Applicant,

REF: “VIDEOCON” DIRECT RECRUITMENT’S OFFER.

Good day to you Again from the Video Con,

You have gotten our profile mail and as instructed, you follow and then as per the mail we will be needing you to read it carefully and note down your details for interview and location as well as we will be sending you the flight ticket and employment letter but first we would require you to pay the below fee mention to you through this below account details in the nearest branch and on the name below as well.

“As regards to your salary, you will be paid a maximum of Rs 46,570 p.m. and
Rs 11, 58,840 p.m.”

Upon which you have done so please kindly send us the payment slip through mail for confirmation as it will help us facilitate the documents for the ticket and other requirement for the preparation for your interview date.

REFUNDED DEPOSIT DETAILS OF PAYMENT
HR NAME: MRS SUMAN KHAN / MR WILLIAMS JAMES
REQUIRED PAYMENT: 15,000 INR/-
TIME OF INTERVIEW: 11:30AM
LAST DATE OF DEPOSIT: 20-10-2010

NOTE: WITHOUT THE REQUIRED SECURITY DEPOSIT, PLEASE YOU DO NOT QUALIFY FOR THIS INTERVIEW, SO CALL MR WILLIAMS JAMES ON THE BELOW NUMBER FOR ACCOUNT DETAILS, PLEASE NOTE THAT ONLY AFTER DEPOSIT YOU SHALL RECEIVE THE APPLICATION FORM.

You’re required to confirm us with payment slip as mail and we will get back to you as soon as possible. I am hereby directed to notify our candidates that the LAST/LATE interview date has been extended to 27th October, 2010 to enable all our applicants meet up with fee required by them.

Regards.
Mr. Williams James – (-ii-Executive – HRD)
Videocon Electronics India Ltd.
H.O. – 174, Videocon House,
G.K. Part – 1, Greater Kailash,
Contact us via Email.
Telephone Number: +91-981-150-5124.


ಮಾನ್ಯ ಮುಖ್ಯಮಂತ್ರಿಗಳಿಗೊಂದು ಕಿವಿಮಾತು!

14 ಆಕ್ಟೋ 10

 

ಯುದ್ಧ ಮುಗಿದಿದೆ ನಿಮ್ಮ ಶಸ್ತ್ರಗಳನ್ನು ಶಸ್ತ್ರಾಗಾರದಲ್ಲಿಡಿ ಸದ್ಯ
ನೀವು ಅದಾಗಲೇ ಬಂದಾಗಿದೆ ನಿಮ್ಮ ಪೂರ್ಣ ಅವಧಿಯ ಮಧ್ಯ

ಬೇಸತ್ತಿದ್ದಾರೆ ಈ ನಾಡಿನ ಜನರೆಲ್ಲಾ ಇನ್ನು ತಾಳ್ಮೆ ಉಳಿದಿಲ್ಲ
ನಾಡಿಗೆ ಒಳಿತು ಮಾಡದಿದ್ದರೆ ಮುಂದಿನ ಬಾರಿ ಗೆಲ್ಲಿಸುವುದಿಲ್ಲ

ವಿಧಾನಸೌಧದ ಗೋಡೆಯಲಿ ಬರೆದಿರುವುದ ಎಲ್ಲರೂ ಪಾಲಿಸಲಿ
ಮಂತ್ರಿಗಳಿಗೆ ತಾಕೀತು ಮಾಡಿ, ಕೆಲಸ ಮಾಡಿಯೇ ತೋರಿಸಲಿ

ಸರಕಾರದ ಕೆಲಸ ದೇವರ ಕೆಲಸ ಎಂಬುದು ಗೋಡೆಗಷ್ಟೇ ಅಲ್ಲ
ನೀವೂ ಮಾಡಿ ತೋರಿಸಿದರೆ ನಿಮ್ಮನ್ನೂ ಜನತೆ ಕೈಬಿಡುವುದಿಲ್ಲ

ದಿನ ಪ್ರತಿದಿನ ಸುದ್ದಿಗೋಷ್ಟಿ ಮಾಡಿ ಭಾಷಣ ಬಿಗಿಯಬೇಕಾಗಿಲ್ಲ
ಸರಕಾರದ ಕಾರ್ಯಗಳೇ ತಮ್ಮ ಪರವಾಗಿ ಮಾತಾಡಬೇಕಲ್ಲಾ

ಮಾಧ್ಯಮದ ಜೊತೆ ಮಾತಾಡಲು ಯಾರಾದರೊಬ್ಬರನ್ನು ನೇಮಿಸಿ
ಎಲ್ಲಾ ಟೀಕೆ ಟಿಪ್ಪಣಿಗಳಿಗೂ ಪ್ರತಿಕ್ರಿಯಿಸುವುದನ್ನು ದಯವಿಟ್ಟು ನಿಲ್ಲಿಸಿ

ಆಂತರಿಕ ಸಮಸ್ಯೆಗಳನೆಲ್ಲಾ ಪರಿಹರಿಸಿಕೊಳ್ಳಿ ತಮ್ಮ ತಮ್ಮೊಳಗೇ
ದೌರ್ಬಲ್ಯವ ಬಿಟ್ಟುಕೊಟ್ಟರೆ ಎಲ್ಲಾ ಕನ್ನ ಹಾಕುವರು ನಿಮ್ಮ ಮನೆಗೆ

ಬಾಯ್ಮುಚ್ಚಿಕೊಂಡು ಕೆಲಸ ಮಾಡಿದರೆ ಕಮಲ ಮುದುಡದು ಇಲ್ಲಿ
ಇಲ್ಲವಾದರೆ ಭಾಜಪ ಕೂರಬೇಕಾದೀತು ವಿರೋಧಿ ಬೆಂಚುಗಳಲ್ಲಿ
******


ತನಗೆ ಮತ್ತಾ ಸ್ಥಾನಕ್ಕೇ ಅಗೌರವ ತಂದಿಹರಿವರು!

14 ಆಕ್ಟೋ 10

 

ಗೌರವದ ಸ್ಥಾನದಲ್ಲಿದ್ದುಕೊಂಡು
ತನ್ನ ಗೌರವವನ್ನು ಉಳಿಸಿಕೊಂಡು
ನಿಷ್ಪಕ್ಷಪಾತಿಯಾಗಿ ಇದ್ದಿರಬೇಕಾದವರು

ದಿನ ಪ್ರತಿದಿನ ಹೇಳಿಕೆಗಳ ನೀಡಿ
ಸರಕಾರವನ್ನು ಎಡೆಬಿಡದೇ ಕಾಡಿ
ಮೆರೆಯಲು ಹೋಗಿ ಈಗ ಎಡವಿಬಿದ್ದಿಹರು

ವಿರೊಧಪಕ್ಷದವರ ಮಾತೇ ಬೇಕಿಲ್ಲ
ಮಾತೃ ಪಕ್ಷದವರೇ ಬೆಲೆಕೊಡುತ್ತಿಲ್ಲ
ಎಲ್ಲಾ ಕಡೆಯಿಂದಲೂ ಉಗಿಸಿಕೊಳ್ಳುತಿಹರು

ಸಭಾಪತಿಗೆ ಬರೆದ ಪತ್ರ ಕಸದಬುಟ್ಟಿಗೆ
ಬೆಲೆಯಿಲ್ಲ ದಿಲ್ಲಿಯಲ್ಲೀತನ ಶಿಫಾರಸ್ಸಿಗೆ
ಉಳಿವಿಗಾಗಿ ಓಲೈಕೆಯ ನಾಟಕವಾಡುತಿಹರು

ಗೌರವದ ಸ್ಥಾನ ಪಡೆಯುವವರು ಹಲವರು
ಆ ಸ್ಥಾನಕ್ಕೇ ಗೌರವ ತರುವವರು ಕೆಲವರು
ತನಗೆ ಮತ್ತಾ ಸ್ಥಾನಕ್ಕೇ ಅಗೌರವ ತಂದಿಹರಿವರು

ಪಕ್ಷಾತೀತ ಸ್ಥಾನಕ್ಕೇರಿದ ಮೇಲೆ ಮಂದಿ
ಪಕ್ಷದ ತಂತ್ರಗಳಿಗೆ ಆಗಿರಬಾರದು ಬಂಧಿ
ತನ್ನನ್ನು ತಾನೇ ಕೆಡಿಸಿಕೊಂಡೀಗ ಮರುಗುತಿಹರು
****


ಅನ್ಯಾಯ ಅಸಂವಿಧಾನಿಕ ಎಲ್ಲಾ ಮಣ್ಣಾಂಗಟ್ಟಿ!

13 ಆಕ್ಟೋ 10

ರಾಜ್ಯಪಾಲರು ತರಾತುರಿಯ ನಡವಳಿಕೆಯಿಂದ
ಈ ರೀತಿ ನಿಜದಿ ನಗೆಪಾಟಲಿಗೆ ಈಡಾಗಬಾರದಿತ್ತು

ಕಾನೂನು ತಜ್ಞನೆನಿಸಿ ರಾಷ್ಟ್ರಪತಿ ಆಳ್ವಿಕೆಗೆ
ಶಿಫಾರಸ್ಸು ಮಾಡಿ, ಈಗ ಮಾತು ಬದಲಿಸಬಾರದಿತ್ತು

ನಿನ್ನೆಯ ತನಕ ನಮ್ಮ ಮಾನ್ಯ ರಾಜ್ಯಪಾಲರು
ಕಾಂಗ್ರೇಸ್-ದಳದವರ ಪಾಲಿಗೆ ಆಗಿದ್ದರಲ್ಲಾ ದೇವರು

ಇಂದು ನೋಡಿದರೆ ಅದೇ ಹಂಸರಾಜರು
ಅವರೆಲ್ಲರ ಪಾಲಿಗೆ ಆಗಿಬಿಟ್ಟಿದ್ದಾರೆ ಕ್ರೂರ ಕಂಸರಾಜರು

ಮೊನ್ನೆ ಮೊನ್ನೆ, ಆತನಿಗಿರುವ ದೀರ್ಘ ಕಾನೂನು
ಅನುಭವವನ್ನು ಕೊಂಡಾಡಿ ಏರಿಸಿದ್ದರು ಆತನನು ಅಟ್ಟಕ್ಕೆ

ಈಗ ನೋಡಿದರೆ ಬೀದಿ ಬೀದಿಯಲ್ಲೆಲ್ಲಾ
ಜರೆದು ಏರಿಸುತ್ತಿದ್ದಾರೆ ಆತನನಿನ್ನೇನು ಜೀವಂತ ಚಟ್ಟಕ್ಕೆ

ಆತನ ಕಷ್ಟ, ಅಲ್ಲಿನ ಒಳಗುಟ್ಟು ಆತನಿಗೇ ಗೊತ್ತು
ಕೈ-ಕಮಾಂಡಿನ ಮಾತ ಪಾಲಿಸದೇ ಆತನಿಂದ ಇರಲಾಗದು

ಉತ್ತರ ಭಾರತದಲಿ ಚುನಾವಣೆಗಳಿವೆ ಹಾಗಾಗಿ
ಕಾಂಗ್ರೇಸಿಗೆ ಭಾಜಪ ಸರಕಾರವನ್ನು ಉರುಳಿಸಲೂ ಆಗದು

ಅನ್ಯಾಯ ಅಸಂವಿಧಾನಿಕ ಎಲ್ಲಾ ಬರಿ ಮಣ್ಣಾಂಗಟ್ಟಿ,
ಆ ಚುನಾವಣೆಗಳಷ್ಟೇ ಇವೆ ಈಗ ಕೇಂದ್ರ ಸರ್ಕಾರದ ದೃಷ್ಟಿಯಲ್ಲಿ

ಹಾಗಾಗಿ ಭಾಜಪಕ್ಕೆ ಕೊಟ್ಟು ಈ ಮರು ಅವಕಾಶ
ತಮ್ಮ ಬೆನ್ನನ್ನು ತಾವೇ ತಟ್ಟಿಕೊಳ್ತಾರೆ ಚುನಾವಣ ಪ್ರಚಾರದಲ್ಲಿ
******


ನಕಲಿ ಗಾಂಧಿಯ ಮುಂದೆ ಅಡವಿಡುವುದೇಕೆ ತಮ್ಮ ಅಸಲಿ ಹಿರಿತನವ?

12 ಆಕ್ಟೋ 10

 

ಭ್ರಷ್ಟರು ರೂಪಿಸುವ ಎಲ್ಲಾ ಕಾನೂನುಗಳಲ್ಲೂ ನ್ಯೂನತೆಗಳು ನೂರಾರು

ಅವುಗಳನ್ನೇ ತಮ್ಮ ಬಂಡವಾಳ ಮಾಡಿಕೊಂಡು ಹಬ್ಬುವರು ಅರಾಜಕತೆ

 

ಈ ಎಲ್ಲಾ ಅರಾಜಕತೆಗೆ ಮೂಕಪ್ರೇಕ್ಷಕಿಯಾಗಿ ಸಮ್ಮತಿಯ ಸೂಚಿಸುವ

ಆ ವಿದೇಶಿ ಮಹಿಳೆಗೆ ಮಗನನ್ನು ಪ್ರಧಾನಿಯಾಗಿಸುವುದೇ ಧ್ಯೇಯವಂತೆ

 

ಆ ಮಗನೋ ಬೇಜವಾಬ್ದಾರನಾಗಿ ಮಠದ ಬಸವನಂತೆ ಊರೂರು

ಸುತ್ತಿ ಮೇಯುವುದನೇ ಮಾಡಿಕೊಂಡಂತಿದೆ ತನ್ನ ದಿನನಿತ್ಯದ ಕಾಯಕ

 

ನಾಲ್ಕು ವರುಷಗಳಲ್ಲಿ ನೋಡಿ ಆ ಬಸವನನ್ನೇ ಈ ದೇಶದ ಗದ್ದುಗೆಯಲಿ

ಕೂರಿಸಿ ವಿದೇಶಿ ಮಹಿಳೆ ಹೇಳುತ್ತಾಳೆ ಇನ್ನು ನಿಮಗೆ ಈತನೇ ನಾಯಕ

 

ಆತನ ಮುಂದೆ ಕೈಕಟ್ಟಿಕೊಂಡು ಆದೇಶಕ್ಕಾಗಿ ಕಾಯುತ್ತಾ ನಿಲ್ಲುತ್ತಾರೆ

ನಮ್ಮ ಘಟಾನುಘಟಿ ಸೂಟುಧಾರಿ ದೇಶೀ ನಾಯಕರುಗಳು ತಲೆಬಾಗಿ

 

ತಮ್ಮ ಅನುಭವ ಹಿರಿತನ ಎಲ್ಲವನ್ನೂ ನಮ್ಮ ಅಸಲಿ ದೇಶೀ ನಾಯಕರು

ನಕಲಿ ಗಾಂಧಿಮನೆತನದವರ ಮುಂದೆ ಅಡವಿಡುವುದು ಹೇಳಿ ಯಾಕಾಗಿ?

*********


ಪ್ರಜ್ಞಾವಂತ ಮತದಾರರದೇನೂ ತಪ್ಪಿಲ್ಲ!

12 ಆಕ್ಟೋ 10

 

ಇಂದಿನಾ ರಾಜಕೀಯ ಸ್ಥಿತಿಗೆ ಪ್ರಜ್ಞಾವಂತ ಮತದಾರರಷ್ಟೇ

ಕಾರಣವೆಂದು ದೂಷಿಸುವುದು ನಿಜವಾಗಿ ಎಷ್ಟು ಸರಿ ಹೇಳಿ

 

ಆಯ್ಕೆಯಾಗಿ ಹೋದವರು ಪ್ರಜ್ಞಾವಂತರಾಗಿ ಉಳಿಯದೇ

ಮತದಾರರನ್ನೇ ಮರೆಯುವುದು ಯಾಕೆಂದು ಅವರ ಕೇಳಿ

 

ನಮ್ಮ ನಾಡಿನ ಚುನಾವಣೆಗಳಲ್ಲಿ ಯಾವೊಬ್ಬ ಅಭ್ಯರ್ಥಿಯನ್ನೂ

ಆಯ್ಕೆಮಾಡದೇ ಸುಮ್ಮನಿರುವ ಅವಕಾಶ ಇರುವುದು ಸುಳ್ಳಲ್ಲ

 

ಆದರೆ ಯಾವುದೇ ಚುನಾವಣೆಯಲ್ಲಿಯೂ ಈ ಅವಕಾಶವನ್ನು

ಮತದಾರನಿಗೆ ಕೊಡಮಾಡದೇ ವಂಚನೆ ಮಾಡುತಿಹರಲ್ಲಾ?

 

ಮತದಾರರಿಂದ ತಿರಸ್ಕೃತನಾದ ಅಭ್ಯರ್ಥಿಗಳಿಗೆ ಮರು ಅವಕಾಶ

ನೀಡದೇ ಹೊಸ ಅಭ್ಯರ್ಥಿಗಳನಾರಿಸಿದರೆ ಬರುವುದು ಬದಲಾವಣೆ

 

ಒಮ್ಮೆ ಆರಿಸಿಹೋದವ ತನ್ನ ಪಕ್ಷನಿಷ್ಟೆ ಬದಲಿಸದಂತೆ ಅವಧಿ ಪೂರ್ತಿ

ಒಂದೇ ಕಡೆ ಇದ್ದರೆ ಆಗ ಮಾತ್ರ ತಪ್ಪಿಸಬಹುದು ಮರು ಚುನಾವಣೆ

                 ***********


ಪತ್ನಿಗೇ ಮೋಸ ಮಾಡಿದವನು ನಾಡಿಗೆ ಮೋಸ ಮಾಡನೇ?

11 ಆಕ್ಟೋ 10

 

ಶಾಸ್ತ್ರೋಕ್ತವಾಗಿ ವಿವಾಹವಾಗಿದ್ದ ವಿದ್ಯಾವಂತೆ ಧರ್ಮಪತ್ನಿಗೇ ಮೋಸ ಮಾಡಿದವನು
ಸಿನಿಮಾ ತಾರೆಯ ಮೈಮಾಟಕ್ಕೆ ಸೋತು, ರಮಿಸಿ, ತಾಯಿಯನ್ನಾಗಿಸಿದ ನಾಯಕನು

ಕರ್ನಾಟಕದ ಜನತೆಯ ಪರವಾಗಿ ತಾನೀ ಮಹತ್ಕಾರ್ಯ ಮಾಡುತ್ತಿದ್ದೇನೆ ಎನ್ನುವನಲ್ಲಾ
ಜನರು ಆರಿಸಿ ಸ್ಥಾಪಿಸಿರುವ ಸರಕಾರವನ್ನು ಕೆಡವಲು ಷಡ್ಯಂತ್ರ ರಚಿಸಿ ಕಾಡುತಿಹನಲ್ಲಾ

ಕರ್ನಾಟಕದ ಎಷ್ಟು ಮಂದಿ ಅವನಲ್ಲಿಗೆ ಹೋಗಿ ಕಾಪಾಡು ಎಂದು ಗೋಗರೆದಿರಬಹುದು?
ಹತ್ತು ಮೂವತ್ತು ಶಾಸಕರ ಬಲದಿಂದ ಹೇಗೆ ನಮ್ಮೀ ನಾಡನ್ನೇ ಗೆದ್ದವನಂತೆ ಆಡಬಹುದು?

ಮನೆಯಲ್ಲಿ ತನ್ನ ಹೆಂಡತಿ ಮಕ್ಕಳ ಪಾಲಿಗೇ ನಿಷ್ಟಾವಂತನಾಗಿ ಉಳಿದು ಬಾಳಲಾಗದವನು
ಇಡೀ ನಾಡಿನ ಜನತೆಗೆ ನಿಷ್ಟಾವಂತನಾಗಿರುತ್ತೇನೆ ಎಂದರೆ ಹೇಗೆ ನಂಬಬಹುದು ಆತನನು?

ನಾಚಿಕೆ ಮಾನ ಮರ್ಯಾದೆ ಮೂರನ್ನೂ ಬಿಟ್ಟು ಸಾರ್ವಜನಿಕವಾಗಿಂತು ನಗ್ನರಾಗುವವರು
ಮೈತುಂಬಾ ಬಟ್ಟೆಯಿಲ್ಲದವರ ಮತ್ತು ಉಣ್ಣಲು ಕೂಳಿಲ್ಲದವರ ಕೂಗನದೆಂತು ಆಲಿಸುವರು?

ಅವರನ್ನು ಇವರು, ಇವರನ್ನು ಅವರು, ಸೋಲಿಸಿ ಪ್ರಜಾಸತ್ತೆಗೆ ಮಾಡದೇ ಇದ್ದು ಅವಮಾನ
ಹೊಸದಾಗಿ ಚುನಾವಣೆ ಘೋಷಣೆಯಾದರೆ ಉಳಿಯಬಹುದೇನೊ ನಮ್ಮ ರಾಜ್ಯದ ಮಾನ!!
*************


ನರ್ಸಮ್ಮನ ಸಿಡಿಯ ನಕಲು ಇನ್ನೂ ಇದೆ ಆತುರ ಬೇಡ!

08 ಆಕ್ಟೋ 10

 

ಯಡ್ಡಿ ನಿನ್ನೆ ರೇಣುವಿನ ಕಿವಿಗಳಲ್ಲಿ ಒಂದು ಮಂತ್ರವನ್ನು ಉಸುರಿದರಲ್ಲಾ
ರೇಣುವಿನ ಉಸಿರೇ ನಿಂತುಹೋಗಿ ಸ್ವರವೇ ಬದಲಾಗಿ ಬಿಟ್ಟಿದೆಯಂತಲ್ಲಾ

ರಾತ್ರಿಯಿಡೀ ಯೋಚಿಸುತ್ತಾ ಮಲಗಿದ್ದೆ ಮುಂಜಾವಿಗೆ ಜ್ಞಾನೋದಯವಾಯ್ತು
ಯಡ್ಡಿ ಹೆಚ್ಚೇನೂ ಹೇಳಿರಲಿಕ್ಕಿಲ್ಲ ಹೇಳಿರಬಹುದು ಇಲ್ಲಿರುವ ಇದಿಷ್ಟೇ ಮಾತು

ನರ್ಸಮ್ಮ ಐದುಕೋಟಿ ಹೊತ್ಕೊಂಡು ಹೋಗಿದ್ದು ಸತ್ಯವೇ ಕಣೋ ಮೂಢ
ಆದ್ರೆ ಆಕೆ ಕೊಟ್ಟು ಹೋದ ಸಿಡಿಯ ನಕಲು ಇನ್ನೂ ನನ್ನಲ್ಲಿದೆ ಆತುರ ಬೇಡ

****

ಕುಮಾರ ಕಳೆದ ಬಾರಿ ಮೋಸ ಮಾಡಿದ್ದು ಬರೀ ಯಡ್ಡಿಗೆ ಮತ್ತು ಭಾಜಪಕ್ಕೆ
ಇಂದು ಹಾಗಲ್ಲ ಇಡೀ ರಾಜ್ಯಕ್ಕೇ ದ್ರೋಹ ಬಗೆದು ಪಡಬೇಕಾಗಿದೆ ನಾಚಿಕೆ

ತಮ್ಮ ಪಾತ್ರವೇನೂ ಇಲ್ಲ ಎನ್ನುತ್ತಲೇ ಗೋವಾಕ್ಕೆ ತೆರಳಿದನಾದರೂ ಏಕೆ
ಭಿನ್ನರ ರಕ್ಷಣೆಗೆ ಹೋಗುವೆನೆಂದವನು ಜೊತೆಗೆ ಪೋಲೀಸರ ಒಯ್ದಿಲ್ಲ ಏಕೆ

ಹದಿಮೂರು ಶಾಸಕರ ರಕ್ಷಣೆ ಓರ್ವನೇ ಮಾಡಲು ಈತನೇನು ದಾದಾನೇ
ಗೋವಾ ಪೋಲೀಸರಿಗೆ ಕರೆ ಮಾಡಿ ಹೇಳಿದ್ದರೆ ಸಿಗ್ತಿತ್ತು ರಕ್ಷಣೆ ತಂತಾನೇ

****

ಸೋನಿಯಾ ಸಿದ್ದನ ಕೇಳಿದಳು “ಓಹ್ ಆರ್ ಯೂ ಸಿದ್ಧ?” ಎಂದು ದಿಲ್ಲಿಯಲ್ಲಿ
“ಹೌದು ನಾನು ಸಿದ್ಧ, ನಾಲ್ಕು ವರ್ಷಗಳಿಂದ ಮುಖ್ಯಮಂತ್ರಿಯಾಗಲು ಇಲ್ಲಿ”

ಮುಖಕ್ಕೆ ಮಂಗಳಾರತಿ ಮಾಡಿ ಹೊರಗಟ್ಟಿದ್ದಾಳೆ ಸೋನಿಯಾ “ಹೋಗು
ಒಂದಾದರೂ ಕ್ಷೇತ್ರದಲ್ಲಿ ನಮ್ಮವರ ಗೆಲ್ಲಿಸಿ ಬಾ ಆಲಿಸುತ್ತೇನೆ ನಿನ್ನ ಕೂಗು

ವಿರೋಧದ ನಡುವೆಯೂ ವಿರೋಧಪಕ್ಷದ ನಾಯಕನ ಪಟ್ಟ ನೀಡಿದ್ದೇ ಹೆಚ್ಚು
ನಿಜಕ್ಕೂ ಹೇಳುತ್ತೇನೆ ಕರ್ನಾಟಕದಲ್ಲಿ ನನಗೆ ಆಸ್ಕರ್ ಮಾತ್ರ ಅಚ್ಚುಮೆಚ್ಚು”

****


ಸರ್ಕಾರಗಳ ಒಳ್ಳೆಯ ಮತ್ತು ಕೆಟ್ಟ ಕೆಲಸಗಳು!

06 ಆಕ್ಟೋ 10

 

ನಮ್ಮ ಸರಕಾರಗಳು ಮಾಡಿದ
ಬಹುಮೂಲ್ಯ ಕೆಲಸವೆಂದರೆ
ಮಹಾತ್ಮ ಗಾಂಧಿಗೆ
ಭಾರತ ರತ್ನ ಪ್ರಶಸ್ತಿ
ಪ್ರದಾನ ಮಾಡದೇ ಇದ್ದುದು,
ಇಲ್ಲವಾಗಿದ್ದಲ್ಲಿ, ನೆಹರೂ,
ಇಂದಿರಾ, ಮಂಡೇಲಾ,
ಎಂಜಿಆರ್, ರಾಜೀವ ಗಾಂಧಿ,
ಲತಾರಿಗೆ, ಸರಿಸಮಾನರಾಗಿಯೇ,
ಮಹಾತ್ಮರು ಉಳಿದುಬಿಡುತ್ತಿದ್ದರು;

ನಮ್ಮ ಸರ್ಕಾರಗಳು ಮಾಡಿದ
ಅತೀ ಕೆಟ್ಟ ಕೆಲಸವೆಂದರೆ
ಹೆಚ್ಚಿನೆಲ್ಲಾ ನಗರಗಳಲ್ಲೂ
ರಸ್ತೆಗಳಿಗೆ ಮಹಾತ್ಮ ಗಾಂಧಿ ರಸ್ತೆ
ಎಂಬ ನಾಮಕರಣ ಮಾಡಿದುದು,
ಗಾಂಧಿ ತೋರಿದ ಹಾದಿಯಲ್ಲಿ
ನಡೆಯಬೇಕಾದ ಮಂದಿ ಈ
ರಸ್ತೆಗಳಲ್ಲೇ ಬೇಕಾದುದನ್ನೆಲ್ಲಾ
ಮಾಡಿ ಅದರಿಂದಲೇ ಒಳಗೊಳಗೇ
ತೃಪ್ತರಾಗಿ ಉಳಿಯುತಿಹರು!
**************


ಒಂದಷ್ಟು ಹನಿಗಳು!

05 ಆಕ್ಟೋ 10

 

ನಿನ್ನ ನೆನಪಿನಿಂದಲೇ
ನನ್ನ ಬೆಳಗು

ನಿನ್ನ ನೆನಪಿನಿಂದಲೇ
ನನ್ನ ಬೈಗು

***

ನೀನು ಇರದೇ ಇದ್ದರೂ
ಸದಾ ನನ್ನ ಹತ್ತಿರ

ನಿನ್ನ ನೆನಪಿನಿಂದಲೇ
ಇರುವೆ ನಾನು ಎಚ್ಚರ

***

ಸದಾ ನೆನಪಾಗಿ
ಹೀಗೆ ನನ್ನ ಕಾಡದಿರು

ಮರೆಯುವ ಮಾತನ್ನು
ನೀನೆಂದಿಗೂ ಆಡದಿರು

***

ಅದೆಂದೋ ಅದೆಲ್ಲೋ
ಕಳೆದುಹೋಗಿದ್ದ ಆ ಸ್ನೇಹ
ಈಗ ಇಲ್ಲಿ ಮತ್ತೆ ಸಿಕ್ಕಿದೆ

ಇನ್ನೊಮ್ಮೆ ಕಳೆದುಕೊಂಡು
ಮತ್ತೆ ಪಡೆವ ಧೈರ್ಯ
ನಿಜವಾಗಿ ಯಾರಲ್ಲಿದೆ?

***

ತುಂಬಾ ಮಾತಾಡಬೇಕು
ಎಂದೆನಿಸಿದಾಗಲೆಲ್ಲಾ ನಿನಗೆ
ಕರೆ ಮಾಡೋಕೆ ತುಂಬಾ ಕಷ್ಟ

ಇದು ಎಂಥಾ ಸ್ನೇಹವೋ
ನಾನರಿಯೆ, ಆದರೆ ನೀನಂದ್ರೆ
ನನಗೆ ತುಂಬಾ ಇಷ್ಟ

***