ನನ್ನ ಜವಾಬ್ದಾರಿ ಜಾಸ್ತಿ ಆದಂತಾಯ್ತು!!!

ಹದಿನೈದನೇ ವಯಸ್ಸಿನಲೇ
ಬರೆಯಲು ಆರಂಭಿಸಿದ್ದೆ
ಕವಿತೆಗಳನು ನಾನು

ಆದರೆಲ್ಲೂ ಪ್ರಕಟಿಸದೇ ನನ್ನ
ಜೊತೆಗೆ ಜೋಪಾನವಾಗಿ
ಕಾಪಾಡಿದ್ದೆ ಅವುಗಳನು

ಐದು ವರುಷಗಳ ಹಿಂದೆ
ಶುರುವಾಯ್ತು ಪ್ರಕಾಶಕದ
ಜೊತೆಗೆ ನನ್ನ ನಂಟು

ಅಲ್ಲಿ ಬರೆದ ಕವನ ಬರಹ
ಓದಿದವರು ಪ್ರತಿಕ್ರಿಯಿಸಿ
ಮೆಚ್ಚಿದ್ದೂ ಉಂಟು

ಕನ್ನಡಧ್ವನಿಯಲಿ ನನ್ನ
ಧ್ವನಿಯೂ ಸೇರಿಕೊಂಡು
ಜಗಕೆಲ್ಲಾ ಕೇಳಿಬಂತು

ಸಂಪದದ ಸಹವಾಸದಲಿ
ಕವಿ-ಓದುಗನ ಸಂಬಂಧ
ಜೀವಂತವಾದಂತಾಯ್ತು

ವೈಯಕ್ತಿಕ ತಾಣದಲಿ
ಕೂಡಿಟ್ಟಾಗ ಹೊರಜಗಕೆ
ನನ್ನ ಪರಿಚಯವಾಯ್ತು

ಕನ್ನಡ ಪ್ರಭ ಮತ್ತು ಕೆಂಡ
ಸಂಪಿಗೆಗಳಲಿ ನನ್ನ ಕವಿತೆಗಳ
ಮೆಚ್ಚಿ ಬರೆದದ್ದಷ್ಟೇ ಸಾಕಾಯ್ತು

ನನ್ನ ಬಂಧು ಮಿತ್ರರಿಂದೆಲ್ಲಾ
ಅಭಿನಂದನೆಗಳ ಕರೆಗಳು
ಬರಲು ಆರಂಭವಾಯ್ತು

ಇದರಿಂದ ನನ್ನ ಓದುಗರ
ಸಂಖ್ಯೆ ಜಾಸ್ತಿ ಆಗಿದೆ
ಅದು ನನಗೆ ಗೊತ್ತು

ಹಾಗಾಗಿ ಈಗ ನನ್ನ
ಜವಾಬ್ದಾರಿಯೂ ಸ್ವಲ್ಪ
ಜಾಸ್ತಿ ಆದಂತಾಯ್ತು!!